రెండో రోజు 25 ఎంపీటీసీ నామినేషన్లు

పామూరు, మేజర్ న్యూస్ : మండల పరిధిలోని 18 ఎంపీటీసీ స్థానాలకు గురువారం రెండో రోజు 25 నామినేషన్లు దాఖలైనట్లు ఎన్నికల రిటర్నింగ్ అధికారి జి. శ్రీనివాస్‌రెడ్డి తెలిపారు. వీటిలో టీడీపీ తరఫున 22 నామినేషన్లు రాగా, జనసేన, వైసీపీ నుంచి ఒక్కొక్కటి, స్వతంత్ర అభ్యర్థిగా మరో నామినేషన్ అందినట్లు పేర్కొన్నారు. తొలిరోజైన బుధవారం 21 నామినేషన్లు అందాయని వాటిలో టీడీపీ నుంచి 20, జనసేన నుంచి ఒక నామినేషన్ ఉన్నట్లు తెలిపారు. దీంతో రెండు రోజుల్లో 18 ఎంపీటీసీ స్థానాలకు మొత్తం 46 నామినేషన్లు దాఖలయ్యాయి. వీటిలో టీడీపీ నుంచి 42, జనసేన నుంచి రెండు, వైసీపీ నుంచి ఒకటి, స్వతంత్ర అభ్యర్థిగా ఒక నామినేషన్ ఉన్నట్లు వివరించారు. నామినేషన్ల స్వీకరణకు శుక్రవారం సాయంత్రం 5 గంటలతో గడువు ముగియనున్నట్లు రిటర్నింగ్ అధికారి శ్రీనివాస్‌రెడ్డి తెలిపారు.