రెండవ రోజు ఊపందుకున్న నామినేషన్ల పర్వం

నరసన్నపేట, సూర్య : నరసన్నపేట మండలంలోని ఎంపీటీసీ స్థానాలకు గురువారం మొత్తం 45 నామినేషన్లు స్వీకరించినట్లు రిటర్నింగ్ అధికారి ఈ. అనురాధ తెలిపారు. ఇందులో తెలుగుదేశం పార్టీ నుంచి 19, వైఎస్సార్ కాంగ్రెస్ పార్టీ నుంచి 23, జనసేన నుండి 3 నామినేషన్లు అందినట్లు వెల్లడించారు. జనసేన పార్టీ నుంచి కూడా నామినేషన్లు అందినట్లు పేర్కొన్నారు. నామినేషన్ల స్వీకరణ ప్రక్రియను అధికారులు పర్యవేక్షించారు. తహసీల్దార్ సత్యనారాయణ, ఎంపీడీవో విశ్వప్రసాద్ ఈ ప్రక్రియలో పాల్గొన్నారు. నామినేషన్ల దాఖలు సందర్భంగా ఎటువంటి అవాంఛనీయ సంఘటనలు చోటుచేసుకోకుండా పోలీసులు కట్టుదిట్టమైన భద్రతా ఏర్పాట్లు చేశారు.

రిపోర్టర్ : గోపాల్ కృష్ణ, నరసన్నపేట, శ్రీకాకుళం జిల్లా.