రాయలసీమ రైతన్నకు కొత్త భరోసా హార్టికల్చర్ హబ్ అభివృద్ధితో సరికొత్త బాట మంత్రి సవిత

*రాయలసీమ రైతన్నకు కొత్త భరోసా.. హార్టికల్చర్ హబ్‌తో అభివృద్ధికి సరికొత్త బాట —  మంత్రి సవిత*

పులివెందుల మేజర్ న్యూస్:

ముఖ్యమంత్రి చంద్రబాబు నాయుడు నేతృత్వంలో రాయలసీమను 'రైజింగ్ రాయలసీమ'గా తీర్చిదిద్దేందుకు ప్రభుత్వం కృషి చేస్తోంది.
​గాంధీ జయంతి సందర్భంగా అక్టోబర్ 2న రాయలసీమ హార్టికల్చర్ హబ్‌ను సుమారు ₹1,00,000 కోట్ల భారీ వ్యయంతో ప్రారంభిస్తున్నారు.
​ఈ నిధుల్లో వరల్డ్ బ్యాంక్ ద్వారా ₹30,000 కోట్లు, కేంద్ర ప్రభుత్వం నుంచి ₹10,000 కోట్లు, ప్రైవేట్ భాగస్వామ్యం ద్వారా ₹60,000 కోట్లు సమీకరిస్తున్నారు.
​ఇందులో ₹26,000 కోట్లతో రాయలసీమలోని 22 అసంపూర్తి సాగునీటి ప్రాజెక్టులను యుద్ధప్రాతిపదికన పూర్తి చేసి రైతులకు అంకితం చేస్తారు.
​హంద్రీ-నీవా  పోలవరం, వెలుగొండ ప్రాజెక్టుల ద్వారా రాయలసీమకు నీటిని తీసుకొచ్చి శాశ్వత కరువు నివారణకు చర్యలు తీసుకుంటున్నారు.
​హార్టికల్చర్ హబ్ ద్వారా వేర్‌హౌస్‌లు, కోల్డ్ స్టోరేజీల వ్యవస్థను పటిష్టం చేయనున్నారు.
​సూక్ష్మ సేద్యం కింద రైతులకు 90% వరకు సబ్సిడీతో డ్రిప్, స్ప్రింక్లర్లు అందిస్తున్నారు.
​ఫామ్ పాండ్స్ నిర్మాణానికి వ్యక్తిగత రైతులకు 50%, కమ్యూనిటీ రైతులకు 75% సబ్సిడీ కల్పిస్తున్నారు.
​పులివెందుల నియోజకవర్గంలో ప్రతి ఇంటికీ తాగునీరు అందించే పథకానికి ముఖ్యమంత్రి ₹450 కోట్లు మంజూరు చేశారు.
​స్థానికంగా పండే అరటి, చీనీ పండ్ల రవాణాకు ప్రత్యేక రైలు సౌకర్యం కల్పించడంతో పాటు, "లింగాల బనానా" పేరిట ప్రత్యేక బ్రాండ్ సృష్టించి విదేశాలకు ఎగుమతి చేస్తున్నారు.
​హార్టికల్చర్ హబ్ నిర్ణయానికి హర్షం వ్యక్తం చేస్తూ రైతులు స్వచ్ఛందంగా పులివెందులలో ట్రాక్టర్ ర్యాలీ నిర్వహించారు.
​పింఛన్ల పెంపు (₹4,000, దివ్యాంగులకు ₹6,000, బెడ్‌రిడెన్ వారికి ₹15,000), తల్లికి వందనం, ఉచిత బస్సు ప్రయాణం, దీపం-2 ఉచిత గ్యాస్ సిలిండర్లు, అన్నదాత సుఖీభవ వంటి ఎన్నికల హామీలను కూటమి ప్రభుత్వం అమలు చేస్తోంది.