పెద్దపంజాణిలో రెండో రోజు 41 నామినేషన్లు

పెద్దపంజాణి మండలంలో ఎంపీటీసీ ఎన్నికల నామినేషన్ల ప్రక్రియ రెండో రోజు  అత్యంత ఉత్సాహంగా సాగింది. మండల పరిధిలోని 17 ఎంపీటీసీ స్థానాలకు అభ్యర్థులు పోటీపోటీగా నామినేషన్లు దాఖలు చేశారు.అందుకు సంబంధించిన వివరాలు . రెండో రోజు మండల వ్యాప్తంగాగల 17ఎంపీటీసీ స్థానాలకు నామినేషన్లు దాఖలయ్యాయి. వైఎస్సార్ కాంగ్రెస్ పార్టీ  తరఫున 22 నామినేషన్లు దాఖలు కాగా, తెలుగుదేశం పార్టీ  అభ్యర్థుల  నుండి 19 నామినేషన్లు దాఖలు చేశారు. రెండవ రోజు గురువారం అమ్మరాజుపల్లె, అప్పినపల్లె, బట్టండొడ్డి, చలమంగళం, కోగిలేరు, కొలత్తూరు, ముత్తుకూరు, నాగిరెడ్డిపల్లి, పెద్దపంజాణి, పెద్దవెలగ టూరు, రాజుపల్లె, రాయలపేట -1,రాయలపేట -2, శివాడి మరియు వీరపల్లి గ్రామపంచాయతీలలో  అభ్యర్థులు తమ నామినేషన్ పత్రాలను ఎన్నికల అధికారులకు సమర్పించారు. పెదకాపల్లి,చామనేరు  ఎంపీటీసీ స్థానాలకులకు రెండవ రోజు ఎలాంటి నామినేషన్లు దాఖలు కాలేదు.నామినేషన్ల దాఖలుతో మండలంలో ఎన్నికల వాతావరణం ఒక్కసారిగా వేడెక్కింది. పోలీసు అధికారులు  ఎటువంటి అవాంఛనీయ సంఘటనలు జరగకుండా అన్ని ఏర్పాట్లు సిద్ధం చేశారు.

ఎం సుబ్రహ్మణ్యం రెడ్డి, నేటి దినపత్రిక, సూర్య, పలమనేరు ఆర్సీి  ఇన్చార్జ్