పగిడ్యాల జెడ్పీటీసీ అభ్యర్థిగా బండి రమణమ్మ..!

పగిడ్యాల జెడ్పీటీసీ అభ్యర్థిగా బండి రమణమ్మ..!
-  నామినేషన్ దాఖలు చేసిన అభ్యర్థి
-శ్రీశైలం దేవస్థానం ట్రస్ట్ బోర్డ్ మెంబర్ గా గుర్తింపు 
- మండలంలో సర్పంచ్ గా పలు అభివృద్ధి పనులు

పగిడ్యాల మేజర్ న్యూస్ -: నందికొట్కూర్ నియోజవర్గ పరిధిలోని పగిడ్యాల జెడ్పీటీసీ స్థానానికి తెలుగుదేశం పార్టీ అభ్యర్థిగా బండి రమణమ్మ గురువారం నంద్యాలలో నామినేషన్ దాఖలు చేశారు. గుంపుల శ్రీనివాసులు,  పాలమర్రి నాగరాజు ఆమెను ప్రతిపాదించారు. నామినేషన్ దాఖలు చేసిన అనంతరం బండి రమణమ్మ మాట్లాడుతూ, తెలుగుదేశం పార్టీ నాయకుల ఆదేశాల మేరకు పగిడ్యాల జెడ్పీటీసీ స్థానానికి తెలుగుదేశం పార్టీ అభ్యర్థిగా నామినేషన్ దాఖలు చేయడం జరిగిందన్నారు. 2001నుండి 2006వరకు నెహ్రూనగర్ సర్పంచ్ గా పలు అభివృద్ధి పనులు పనిచేశానన్నారు . ఆనాడు ఎమ్మెల్యే గౌరు చరిత సహాకారంతో గ్రామంలో రక్షిత మంచినీటి సరఫరా  మెరుగుపరచి , క్రమబద్ధీకరించడం జరిగిందన్నారు. పార్టీలకు అతీతంగా అర్హులందరికీ మందు 1500వేలపక్కాగృహాలు, 1200వందలమందికి పెన్షన్ లుమంజూరు చేయించడం జరిగిందన్నారు. గ్రామంలో మౌళిక వసతులు కల్పించడం తోపాటు, గ్రామాభివృద్ధి కోసం కృషి చేయడం జరిగిందన్నారు. నెహ్రూనగర్ గ్రామ పంచాయతీ సర్పంచ్‌గా, శ్రీశైలం దేవస్థానం ట్రస్ట్ బోర్డు మెంబర్ గా, తెలుగు దేశం పార్టీ గత కమిటీలో నంద్యాల పార్లమెంటు నియోజకవర్గ కార్యదర్శిగా పనిచేశానన్నారు. 2014 సంవత్సరం నుంచి తెలుగుదేశం పార్టీ కార్యకర్తగా కొనసాగుతున్నానన్నారు.
తెలుగు దేశం పార్టీ అభ్యర్థిగా తమకు బీ-ఫారం ఇచ్చినా లేకపోయినా మరోక అభ్యర్థికి బీ-ఫాం ఇచ్చినా  కల్పించినా , తెలుగుదేశం పార్టీ నిర్ణయానికి కట్టుబడి ఉంటాననీ అన్నారు.  పార్టీ అభ్యర్థుల విజయానికి కృషి చేస్తానని, పార్టీ గెలుపే తన లక్ష్యమని బండి రమణమ్మ పేర్కొన్నారు.