నరసాపురం మండలంలో ఎంపీటీసీ అభ్యర్థులుగా 101 మంది నామినేషన్లు

నరసాపురం రూరల్, మేజర్ న్యూస్ : మండలంలోని 28 గ్రామపంచాయతీలకు గాను, 23 మంది ఎంపీటీసీలు ఉన్నారు. ఈ స్థానాలకు నామినేషన్లు స్వీకరించారు. మొదటి రోజు ఎనిమిది మంది నామినేషన్లు వేయగా, రెండవ రోజు 36 మంది నామినేషన్లు వేశారు. ఆఖరి రోజు శుక్రవారం 57 మంది నామినేషన్లు వేసినట్లు ఎన్నికల అసిస్టెంట్ రిటర్నింగ్ అధికారి జి సునీత తెలిపారు. తెలుగుదేశం, జనసేన, వైసిపి, బిజెపి పార్టీలతో పాటు, సిపిఎం, ఇండిపెండెంట్ అభ్యర్థులు కూడా పోటీలో ఉన్నారు. మొదటి రోజు నామినేషన్లు మందకోడిగా సాగినప్పటికీ, రెండు మూడు రోజుల్లో ఊపందుకున్నాయి. 23 స్థానాలకు  101 మంది పోటీలో ఉన్నారు. దరఖాస్తులు పరిశీలన, ఉపసంహరణ అనంతరం  ఎంతమంది పోటీలో ఉంటారు అనేది తేలాల్సి ఉంది. ఎంపీడీవో ఎం నాసారు రెడ్డి, కార్యాలయ పర్యవేక్షకులు వీకే వీరభద్రరావు ఏర్పాట్లను పర్యవేక్షించారు.