మర్రిపాడులో 30 నామినేషన్లు దాఖలు

మర్రిపాడు మేజర్ న్యూస్:   స్థానిక సంస్థల ఎన్నికల ప్రక్రియలో భాగంగా మర్రిపాడు ఎంపీడీఓ కార్యాలయంలో గురువారం మండలంలోని 13 ఎంపీటీసీ స్థానాలకు 30 మంది అభ్యర్థులు నామినేషన్ పత్రాలు అందజేశారని రిటర్నింగ్ అధికారి కె శ్రీనివాసరావు, ఎంపీడీవో నాగేశ్వర ప్రసాద్ లు తెలియజేశారు. వాటిలో సిపిఐఎం -1, టీడీపీ -04, వైసీపీ- 22, జనసేన- 03 నామినేషన్లు దాఖలు చేశారు. నామినేషన్ కేంద్రం వద్ద ఆత్మకూరు సిఐ గంగాధర్, మర్రిపాడు ఎస్ఐ బాలరామిరెడ్డిలు తోటి సిబ్బందితో కలిసి సాయంత్రం ఐదు గంటల వరకు ఎటువంటి అవాంఛనీయ సంఘటనలు చోటు చేసుకోకుండా గట్టి బందోబస్తును ఏర్పాటు చేశారు.