జేఎన్‌టీయూఏలో ఐదు రోజుల అధ్యాపక శిక్షణ.. ముఖ్య అతిథిగా విచ్చేసి జ్యోతి ప్రజ్వల గావించిన ఉపకులపతి ఆచార్య హెచ్ సుదర్శన్ రావు
అనంతపురం విద్య మేజర్ న్యూస్:-జేఎన్‌టీయూ అనంతపురం ఇంజినీరింగ్ కళాశాల ఈసీఈ విభాగం ఆధ్వర్యంలో, విశ్వవిద్యాలయ అధ్యాపక అభివృద్ధి, మహిళా సాధికారత విభాగం సహకారంతో ‘మోకు: గో అండ్ ఇట్స్ అప్లికేషన్స్ ఇన్ ఇంజినీరింగ్ ఎడ్యుకేషన్’ అంశంపై ఐదు రోజుల అధ్యాపక శిక్షణ కార్యక్రమం మంగళవారం ప్రారంభమైంది. ఈ కార్యక్రమం నవంబర్ 14 వరకు కొనసాగనుంది.
కార్యక్రమాన్ని ప్రారంభించిన ముఖ్య అతిథి ఉపకులపతి ప్రొఫెసర్ హెచ్. సుదర్శన రావు మాట్లాడుతూ.. మారుతున్న సాంకేతిక పరిజ్ఞానానికి అనుగుణంగా అధ్యాపకులు తమ బోధనా నైపుణ్యాలను మెరుగుపరచుకోవాలని సూచించారు. డిజిటల్ సాధనాలను వినియోగించి విద్యార్థులకు నాణ్యమైన విద్య అందించాలని తెలిపారు.
గౌరవ అతిథి ప్రొఫెసర్ పి. చెన్నా రెడ్డి ఆధునిక బోధనా విధానాల ప్రాధాన్యతను వివరించగా, ప్రొఫెసర్ డి. వివేకానంద పరిశ్రమల అవసరాలకు అనుగుణంగా విద్యార్థుల్లో ప్రాయోగిక నైపుణ్యాలు పెంపొందించాల్సిన అవసరాన్ని పేర్కొన్నారు. ఈసీఈ విభాగాధిపతి ప్రొఫెసర్ ఎస్. అరుణ మస్తానీ మాట్లాడుతూ.. అధ్యాపకుల వృత్తిపరమైన అభివృద్ధి, బోధనా ప్రమాణాల పెంపు ఈ కార్యక్రమం ప్రధాన లక్ష్యాలని తెలిపారు. సమన్వయకర్త డాక్టర్ డి. లలిత కుమారి ఐదు రోజుల శిక్షణలో నిర్వహించే సాంకేతిక అంశాలను వివరించారు. కార్యక్రమంలో వివిధ విభాగాల అధిపతులు, ప్రొఫెసర్లు, జేఎన్‌టీయూఏ అనుబంధ కళాశాలల అధ్యాపకులు పాల్గొన్నారు. ఈ శిక్షణ అధ్యాపకుల బోధనా సామర్థ్యాలను పెంపొందించడంతో పాటు ఇంజినీరింగ్ విద్యలో ఆధునిక సాంకేతికతను ప్రోత్సహిస్తుందని నిర్వాహకులు ఆశాభావం వ్యక్తం చేశారు.
మల్లికార్జున నేటి దినపత్రిక సూర్య స్టాఫ్ రిపోర్టర్..
