భారీగా టీడీపీలోకి చేరికలు .....చీపురుపల్లి టౌన్ లో 100 కుటుంబాలతో చేరిక.…

చీపురుపల్లి మేజర్ న్యూస్:

రాష్ట్ర ముఖ్యమంత్రి, నారా చంద్రబాబు నాయుడు అభివృద్ధి-సంక్షేమ పాలనకు ఆకర్షితులై రాష్ట్రవ్యాప్తంగా వైసీపీ నుండి టీడీపీలోకి భారీగా చేరికలు కొనసాగుతున్నాయి. ఈ నేపథ్యంలో చీపురుపల్లి టౌన్‌లో  వలిరెడ్డి శ్రీనివాస నాయుడు, మండల పార్టీ అధ్యక్షులు రౌతు కాము నాయుడు, టౌన్ అధ్యక్షులు గవిడి నాగరాజు  ఆధ్వర్యంలో వైసీపీ నాయకులు సువ్వాడ అప్పలనాయుడు, లెంక అప్పలనాయుడు, సారిక జగదీశ్ లతో పాటు ఏకంగా 100 కుటుంబాలు వైసీపీని వీడి తెలుగుదేశం పార్టీలో చేరాయి.  శాసనసభ్యులు  కిమిడి కళావెంకటరావు, టీడీపీ రాష్ట్ర కార్యనిర్వాహక కార్యదర్శి కిమిడి రామ్ మల్లిక్ నాయుడు వీరికి పార్టీ కండువాలు కప్పి సాధరంగ ఆహ్వానించారు. చీపురుపల్లి నియోజకవర్గంలో తెలుగుదేశం పార్టీ తిరుగులేని శక్తిగా నిలిచిందని, పార్టీ నమ్ముకుని వచ్చిన ప్రతి ఒక్కరికీ కొండంత అండగా ఉంటామని ఈ సందర్భంగా ఎమ్మెల్యే కిమిడి కళావెంకటరావు పేర్కొన్నారు. అలాగే గరివిడి మండలం తాటిగూడ గ్రామంలో మండల పార్టీ అధ్యక్షులు సురేష్ బాబు, మాజీ ఎంపీటీసీ శనపతి సన్యాసి,  చైర్మన్ గంట్యాడ పైడి నాయుడు ఆధ్వర్యంలో యడ్ల త్రినాథ, వసంత, పైడి నాయుడు, వాసు, సత్యనారాయణ, జనార్దన, రమేష్ తో పాటు 10 కుటుంబాలు ఎమ్మెల్యే కిమిడి కళా వెంకటరావు సమక్షంలో టీడీపీ తీర్థం పుచ్చుకున్నారు.

మధు, చీపురుపల్లి, విజయనగరం జిల్లా