బీసీలకు స్థానిక సంస్థల్లో రిజర్వేషన్లపై ప్రత్యేక కేబినెట్ భేటీ సీఎం చంద్రబాబు అధ్యక్షతన అమరావతిలో సమావేశం

అనంతపురం బ్యూరో : రాష్ట్రంలో స్థానిక సంస్థల ఎన్నికల్లో బీసీలకు రిజర్వేషన్ల కల్పన అంశంపై ముఖ్యమంత్రి నారా చంద్రబాబు నాయుడు అధ్యక్షతన శనివారం అమరావతిలోని రాష్ట్ర సచివాలయంలో ప్రత్యేక కేబినెట్ సమావేశం నిర్వహించారు. బీసీలకు రిజర్వేషన్ల అమలు, సంబంధిత అంశాలపై ఈ సమావేశంలో చర్చించారు.

ఈ సమావేశంలో మంత్రి నారా లోకేశ్‌తో పాటు రాష్ట్ర బీసీ, ఈడబ్ల్యూఎస్ సంక్షేమం, చేనేత, జౌళి శాఖల మంత్రి ఎస్. సవిత, పలువురు రాష్ట్ర మంత్రులు పాల్గొన్నారు. స్థానిక సంస్థల్లో బీసీలకు రిజర్వేషన్ల కల్పనకు సంబంధించిన అంశాలపై ప్రభుత్వం ఈ సమావేశంలో సమీక్షించినట్లు సమాచారం.

స్థానిక సంస్థల్లో బీసీల ప్రాతినిధ్యం, రిజర్వేషన్ల అమలుకు సంబంధించి ప్రభుత్వం తీసుకోనున్న నిర్ణయాలపై ఈ సమావేశం ప్రాధాన్యత సంతరించుకుంది.

రిపోర్టర్ : మొయినుద్దీన్, అనంతపురం బ్యూరో, అనంతపురం.