అవకాశం ఇవ్వండి అభివృద్ధి చేసి చూపిస్తా.... 31 వ డివిజన్ జనసేన కార్పొరేటర్ అభ్యర్థి మందపాటి భానుప్రియ

తిరుపతి, మేజర్ న్యూస్:
31 వ డివిజన్ కార్పొరేటర్ గా ప్రజలంతా ఓట్లేసి తనను గెలిపిస్తే డివిజన్లోని అన్ని ప్రాంతాలను అభివృద్ధి చేసి చూపిస్తానని ఆ డివిజన్ జనసేన పార్టీ కార్పొరేటర్ అభ్యర్థి మందపాటి భానుప్రియ హామీ ఇచ్చారు. శుక్రవారం నెహ్రూ నగర్ లో టిడిపి, బిజెపి, జనసేన నాయకులు, కార్యకర్తలతో కలిసి భానుప్రియ ఇంటింటా ప్రచారం చేశారు.  తిరుపతిలో ఎమ్మెల్యే ఆరని శ్రీనివాసులు నేతృత్వంలో కోట్లాది రూపాయల నిధులతో అభివృద్ధి పనులు జరుగుతున్నాయన్నారు. రాబోయే కార్పొరేషన్ ఎన్నికలలో తనకు ఒక్క అవకాశం ఇచ్చి గెలిపించాలని మీకు అందుబాటులో ఉండి సేవ చేసే భాగ్యం కల్పించాలని ఆమె
కోరారు. మీ ఇంటి ఆడపడుచు గా ఒక సోదరిగా ఒక అక్కగా పిలిస్తే పలుకుతూ అందరికీ అందుబాటులో ఉంటానని ఆమె తెలిపారు. కావున ఒకటో తేదీ జరగబోయే పోలింగ్ రోజున జనసేన పార్టీ గాజు గ్లాస్ గుర్తుకు ఓటు వేసి గెలిపించాలని ఆమె ఓటర్లను కోరారు. ఈ ప్రచారంలో ఆమె వెంట సతీష్ యాదవ్ తో పాటు జనసేన పార్టీకి చెందిన ప్రభాకర్, టిడిపికి చెందిన సీఎం మధుసూదన్, రేఖ, గోవిందా చారి, మధు ఆచారి సురేష్ రాజేష్ విజయలక్ష్మి ఉదయగిరి భాస్కర్ లక్ష్మీ మందపాటి  జనసేన, టిడిపి, బిజెపి నాయకులు కార్యకర్తలు పెద్ద సంఖ్యలో పాల్గొన్నారు.

DWARAKA.H
PH.NO: 9705347341