అట్టహాసంగా తెలుగుదేశం పార్టీ స్టిక్కర్ల ఆవిష్కరణ కార్యక్రమం

మదనపల్లె,మేజర్ న్యూస్ : తంబళ్లపల్లె నియోజకవర్గం,బి.కొత్తకోట పట్టణం,రాజా ఫంక్షన్ హాల్ నందు తెలుగుదేశం పార్టీ విస్తృతస్థాయి సమావేశం జరిగింది.ఈ సమావేశానికి తంబళ్లపల్లి నియోజకవర్గం టీడీపీ ఇన్‌చార్జ్,మాజీ శాసనసభ్యులు జి.శంకర్ యాదవ్ హాజరయ్యారు.ఇందులో భాగంగా తంబళ్లపల్లె నియోజకవర్గానికి సంబంధించి టిడిపి స్టిక్కర్లను ఆయన లాంఛనంగా విడుదల చేశారు.ఈ సందర్భంగా జి.శంకర్ యాదవ్ మాట్లాడుతూ కార్యకర్తల సంక్షేమానికి ముఖ్యమంత్రి చంద్రబాబు,మంత్రి నారా లోకేష్ పెద్దపీట వేస్తున్నారన్నారు.ఇప్పటికే పార్టీ కార్యకర్తల కోసం రూ.5 లక్షల ప్రమాద బీమాను అమలు చేస్తున్నారని,ప్రస్తుతం టిడిపి కార్యకర్తల కొరకు స్టిక్కర్లు అందజేసే కార్యక్రమానికి శ్రీకారం చుట్టిందన్నారు.తంబళ్లపల్లె నియోజకవర్గంలో ప్రతి కార్యకర్తకు స్టిక్కర్లను అందజేస్తామన్నారు.పార్టీ కోసం శ్రమించిన ప్రతి ఒక్క కార్యకర్తకి సముచిత స్థానం కల్పిస్తామని ఆయన స్పష్టం చేశారు.పార్టీకి కార్యకర్తలే బలమని,వారిని కంటికి రెప్పలా కాపాడుకుంటామన్నారు.స్థానిక సంస్థల ఎన్నికలకు పూర్తిస్థాయిలో సిద్ధం కావాలని,నియోజకవర్గంలోని అన్నిస్థానాలలో కూటమి అభ్యర్థులను గెలిపించుకొని ముఖ్యమంత్రికి కానుకగా ఇద్దామని ఆయన పిలుపునిచ్చారు.ప్రతి కార్యకర్త స్టిక్కర్లను తీసుకొని మొబైల్ ఫోన్లు,వాహనాలకు అతికించి పార్టీపై తమ అభిమానాన్ని చాటాలన్నారు.ఈ కార్యక్రమంలో యూనిట్ ఇంఛార్జి కురవ ప్రకాష్,తెలుగు యువత రాజంపేట పార్లమెంట్ ఉపాధ్యక్షులు టి.సుదర్శన్ రెడ్డి,పెద్దఎత్తున తెలుగుదేశం శ్రేణులు పాల్గొన్నారు.

రిపోర్టర్ : కె.ఈశ్వర్ రెడ్డి,మదనపల్లి నియోజకవర్గం ఇంచార్జి