అహోబిలం ఇస్కాన్ ఆధ్వర్యంలో గోవర్ధన పూజ

ఆళ్లగడ్డ మేజర్ న్యూస్ ;
మండలం లోని హరినగరం అహోబిలం ఇస్కాన్ మందిరంలో మంగళవారం కార్తీక మాసం పాడ్యమి సందర్భంగా  గోవర్ధన పూజ, గోపూజా కార్యక్రమాలను అత్యంత వైభవంగా నిర్వహించారు. ఈ సందర్బంగా ఇస్కాన్ మందిరం నిర్వాహకులు చంద్రకేశవ దాస్ ప్రభు  విలేకరులతో మాట్లాడుతూ శ్రీకృష్ణుని యొక్క లీలలలో గోవర్ధన పర్వతాన్ని చిటికెన వ్రేలితో ఎత్తిన లీల ఎంతో విశేష ఘట్టమన్నారు. ద్వాపర యుగంలో ఇదే రోజున ఆయన గోవర్ధనగిరిని ఎత్తడం జరిగిందన్నారు. ఈ సందర్భంగా గోవర్ధన పర్వత పూజ, గోపూజ కార్యక్రమాలలో పెద్ద సంఖ్యలో భక్తులు పాల్గొన్నట్లు తెలిపారు. శ్రీకృష్ణ భగవానునికి విశేష పూజలు నిర్వహించడం జరిగిందని ప్రభు వివరించారు.

శ్రీనివాస్ ఆళ్లగడ్డ నంద్యాల జిల్లా