వాయు కాలుష్యం తో స్థానిక ప్రజలు ఉక్కిరిబిక్కిరి
జిన్నారం :బొల్లారం పారిశ్రామిక వాడలో రోజురోజుకు వాయు కాలుష్యం పెనుభూతంగా మారుతోందని స్థానికులు ఆవేదన వ్యక్తం చేస్తున్నారు. సాయంత్రం సమయంలో పలు పరిశ్రమలు విచ్చలవిడిగా వాతావరణంలోకి విషవాయువులను విడుదల చేస్తూ సామాన్యుల ప్రాణాలతో చెలగాటమాడుతున్నారని స్థానిక ప్రజలు వాపోతున్నారు. వాతావరణం లోకి విడుదలైన వాయువులు ఘాటైన వాసనలతో ఉక్కిరిబిక్కిరి పలు పరిశ్రమలు చేస్తున్నాయని స్థానిక ప్రజలు ఆగ్రహం వ్యక్తం చేస్తున్నారు. విష వాయువులతో మహిళలు, కార్మికులు, పిల్లలు, వృద్దులు అనారోగ్య సమస్యలకు గురవుతున్నారని స్థానిక ప్రజలు ఆందోళన వ్యక్తం చేస్తున్నారు. సమస్యను పరిష్కరించాల్సిన పిసిబి యంత్రాంగం కనీస చర్యలు తీసుకోకపోవడంపై సర్వత్ర ఆగ్రహం వ్యక్తం అవుతుంది. ఇప్పటికైనా విషవాయువులకు కారణమవుతున్న పరిశ్రమలపై కఠిన చర్యలు తీసుకోవాలని పారిశ్రామిక ప్రజలు ముక్తకంఠంతో కోరుతున్నారు.
