తండాల ఆరాధ్యదైవం హస్లీ యాడి ఆలయానికి రూ.25 వేల విరాళం
మండలంలోని చినవేముల బై తండాలో నిర్మాణంలో ఉన్న హస్లీ యాడి అమ్మవారి ఆలయానికి రాధాకృష్ణ ట్రస్ట్ అండగా నిలిచింది. ఆలయ నిర్మాణానికి రూ.25,000 విరాళాన్ని ట్రస్ట్ చైర్మన్, మాజీ జెడ్పీటీసీ జర్పుల దశరథ్ నాయక్ అందజేశారు.
పెద్దవేముల బాయ్ తండా పంచాయతీ పరిధిలో గిరిజనుల ఆరాధ్యదైవమైన హస్లీ యాడి ఆలయాన్ని అత్యంత ప్రతిష్టాత్మకంగా నిర్మిస్తున్నారు. ఈ నిర్మాణ పనుల నిమిత్తం దశరథ్ నాయక్ స్వయంగా తండాకు వెళ్లి ఆలయ కమిటీకి నగదు అందజేశారు.
అనంతరం ఆయన మాట్లాడుతూ - హస్లీ యాడి తండాల సంస్కృతికి ప్రతీక అని, అమ్మవారి కృపతో తండాల్లో శాంతి సౌభాగ్యాలు వెల్లివిరియాలని ఆకాంక్షించారు. రాధాకృష్ణ ట్రస్ట్ ద్వారా ధార్మిక సేవా కార్యక్రమాలు నిరంతరం చేస్తామని, ఆలయ పూర్తికి పూర్తి సహకారం ఉంటుందని తెలిపారు.
ఉదారంగా సాయం అందించిన దశరథ్ నాయక్ కు ఆలయ కమిటీ సభ్యులు, తండా పెద్దలు ప్రత్యేక కృతజ్ఞతలు తెలిపారు. కార్యక్రమంలో వినోద్ నాయక్, పాండు నాయక్, శీను, రమేష్, తండా వాసులు పాల్గొన్నారు.
లక్ష్మణ్ మేజర్ న్యూస్ కడ్తాల్
