సింగరేణి ఏరియా వర్క్ షాప్ లో ఘనంగా బతుకమ్మ సంబరాలు

సింగరేణి ఏరియా వర్క్ షాప్ లో ఘనంగా బతుకమ్మ సంబరాలు
- హాజరైన ఐఎన్టీయూసీ ఏరియా వైస్ ప్రెసిడెంట్  రజాక్

కొత్తగూడెం సింగరేణి, సూర్య(మేజర్ న్యూస్) - సింగరేణి కొత్తగూడెం ఏరియా పరిధిలోని ఏరియా వర్క్ షాప్ ప్రాంగణంలో శరన్నవరాత్రి దసరా ఉత్సవాలను పురస్కరించుకుని శుక్రవారం బతుకమ్మ సంబరాలు వైభవంగా జరిగాయి. వర్క్ షాప్ డీజీఎం జే. క్రిస్టోఫర్ ఆధ్వర్యంలో అమ్మవారి ఆలయం ఎదుట నిర్వహించిన వేడుకల్లో మహిళా ఉద్యోగులు, ఆల్ ట్రేడ్ అప్రెంటిస్ లు పెద్ద సంఖ్యలో పాల్గొని రంగురంగుల బతుకమ్మల చుట్టూ ఆటపాటలతో ఉత్సాహంగా నృత్యాలు చేశారు.
ఈ వేడుకలకు ఐఎన్టీయూసీ ఏరియా వైస్ ప్రెసిడెంట్ ఎండి. రజాక్ పాల్గొన్నారు. అదేవిధంగా  ఏఐటీయూసీ బ్రాంచ్ సెక్రటరీ జక్కుల గట్టయ్య, ఇంజనీర్లు బి. శంకర్, టి. అనిల్, ఏ. ఉపేందర్ బాబు, పిట్ కార్యదర్శులు ఎండి. సత్తార్ పాషా, మధుకృష్ణ తదితర కార్మిక సంఘ నాయకులు హాజరయ్యారు. తెలంగాణ సంస్కృతికి ప్రతీక అయిన బతుకమ్మను కార్మికులంతా ఐక్యంగా జరుపుకోవడం సంతోషకరమని, పండుగలు పని ఒత్తిడిని దూరం చేసి నూతనోత్సాహాన్ని నింపుతాయని నాయకులు అన్నారు. అనంతరం బతుకమ్మ ఆడిన మహిళా ఉద్యోగులకు ఫస్ట్, సెకండ్, థర్డ్ తో పాటు 10 కన్సోలేషన్ బహుమతులను అందజేశారు.ఈ కార్యక్రమంలో సీనియర్ అసిస్టెంట్ జాన్ కెనెడీ, బ్రాంచ్ కార్యదర్శి మెంగని అశోక్ తో పాటు పలువురు సూపర్వైజర్లు, ఉద్యోగులు, మహిళా ఉద్యోగులు, అప్రెంటిస్ లు, డీఎల్ఆర్ కార్మికులు పాల్గొన్నారు.