ముసుగు తొలగించాలని సర్పంచ్ కు వినతి..

సూర్య-నవీపేట్:నిజామాబాద్ జిల్లా నవీపేట్ మండల కేంద్రంలో పౌరుషానికి నిలువెత్తు సాక్ష్యమైన చాకలి ఐలమ్మ విగ్రహాన్ని గతంలో రజక కులస్తులు ఏర్పాటు చేసినారు. విగ్రహం ఏర్పాటు చేసిన స్థలం నీటిపారుదల శాఖకు చెందినదని సంబంధిత అధికారులు రజక కులస్తుల పై కేసులు నమోదు చేసి విగ్రహ ఆవిష్కరణ జరగకుండా అడ్డుకున్నారు. ఇట్టి విషయమై మంగళవారం మహనీయుల జయంతుల ఉత్సవాల కమిటీ ఆధ్వర్యంలో విగ్రహాన్ని ఆవిష్కరించాలని స్థానిక సర్పంచ్ కేఎల్వి రేఖకు వినతిపత్రం అందజేశారు. ఈ కార్యక్రమంలో అధ్యక్షులు ఆకారం రమేష్, నాయక్ వాడి శ్రీనివాస్ తదితరులు పాల్గొన్నారు.