కోడిపందాల స్థావరంపై పోలీసులమెరుపు దాడి - ముగ్గురు అరెస్ట్ - ఎస్సై కే రమేష్

సూర్య బెజ్జుర్ : కొమరం బీమ్ ఆసిఫాబాద్ జిల్లా బెజ్జూర్ పోలీస్ స్టేషన్ పరిధిలో ఇప్పటికే పలుమార్లు బైండోవర్ చేసినప్పటికీ, కోడిపందాల నిర్వాహకులు, ఆటగాళ్ల తీరు మారడం లేదు. ఈ నేపథ్యంలో, బెజ్జూర్ ఎస్‌ఐ రమేష్ ముందస్తు సమాచారం మేరకు సలుగుపల్లి గ్రామ శివారులోని గంగారాం గుడా ప్రాంతంలో దాడి నిర్వహించారు. అక్కడ కత్తులు కట్టి, డబ్బులు పందెంగా పెట్టి కోడిపందాలు ఆడుతున్న ముగ్గురు వ్యక్తులను పోలీసు సిబ్బంది రెడ్‌హ్యాండెడ్‌గా పట్టుకుని అరెస్ట్ చేశారు. వారి వద్ద నుంచి రూ.300 నగదు, మూడు కోళ్లు, రెండు కత్తులను స్వాధీనం చేసుకుని సీజ్ చేశారు.బెజ్జూర్ పోలీస్ స్టేషన్ పరిధిలో ఎవరైనా కోడిపందాలు, జూదాలు లేదా ఇతర చట్టవిరుద్ధ కార్యకలాపాలకు పాల్పడితే వారిపై చట్టప్రకారం కఠిన చర్యలు తీసుకుంటామని ఎస్‌ఐ రమేష్ హెచ్చరించారు. ఇప్పటికే బైండోవర్ చేసిన వ్యక్తులు నిబంధనలను ఉల్లంఘిస్తే వారిపై కూడా చట్టపరమైన చర్యలు తీసుకుంటామని అన్నారు.. మండల ప్రజలు ఇలాంటి చట్టవిరుద్ధ కార్యకలాపాలకు పాల్బడితే కఠిన చర్యలు తప్పవని హెచ్చరించారు. బెజ్జుర్ మండలపరిధిలోఎక్కడైనా కోడిపందాలు,అక్రమ కార్యకలాపాలు జరుగుతున్నట్లు, సమాచారం తెలిస్తే వెంటనే పోలీసులకు సమాచారం తెలిపిన వారి వివరాలు గొప్యంగా ఉంచుతామని ఎస్‌ఐ కే. రమేశ్ సూచించారు.