ఖమ్మం పల్లిలో ఘనంగా సద్దుల బతుకమ్మ వేడుకలు

కొండపాక:

సిద్దిపేట జిల్లా కొండపాక మండలం ఖమ్మం పల్లి గ్రామం లో సద్దుల బతుకమ్మ సంబరాలు అంబరాన్నంటాయి. సర్పంచ్ తిమ్మాపురం కర్ణాకర్ రెడ్డి ఘనంగా సద్దుల బతుకమ్మ సంబరాలు ఏర్పాటు చేశారు. గ్రామ ప్రజలకు ఎలాంటి ఇబ్బందులు లేకుండా రోడ్డు, ఆటస్థలం ఒక వంతైతే డీజే పాటలతో సద్దుల బతుకమ్మ పండుగ సంబరాలు అంబరాన్ని తాకాయి. 6 వ వార్డ్ లో మంతూరి నాగరాజు పేర్చిన బతుకమ్మ అందరిని ఆకట్టుకుంది. బతుకమ్మ పై మాజీ ముఖ్య మంత్రి కెసిఆర్, మాజీ మంత్రి హరీష్ రావుల చిత్రపటాలను పెట్టడం జరిగింది. ఈ సందర్భంగా మంతురి నాగరాజు మాట్లాడుతూ ప్రజా నాయకుడు కెసిఆర్ పాలన మళ్లీ రావాలని ప్రజలకు ఆయన చేసిన సేవలు మరువలేనివని బిఆర్ఎస్ పార్టీ మళ్లీ అధికారంలోకి రావాలని ఆకాంక్షించారు. భవిష్యత్తులో జరిగే ఎన్నికల్లో కెసిఆర్ గెలిచి అధికారాన్ని చేపట్టి తెలంగాణ రాష్ట్రాన్ని సుబిక్షంగా ఉండేలా చూడాలని గౌరమ్మను మొక్కుకొని పూజలు చేస్తున్నామని తెలిపారు.