కాట్రియాల తండాలో లో వోల్టేజ్ సమస్యకు పరిష్కారం 100 కేవీ విద్యుత్ ట్రాన్స్‌ఫార్మర్ మంజూరు చేసిన మాజీ ఎమ్మెల్యే మైనంపల్లి హనుమంతరావు

రామాయంపేట;రామాయంపేట మండలంలోని కాట్రియాల తండాలో నెలకొన్న లో వోల్టేజ్ విద్యుత్ సమస్యను పరిష్కరించాలని రైతులు, స్థానిక ప్రజాప్రతినిధులు మాజీ ఎమ్మెల్యే మైనంపల్లి హనుమంతరావును కోరారు. లో వోల్టేజ్ కారణంగా వ్యవసాయ మోటార్లు సక్రమంగా పనిచేయక పంటలు ఎండిపోయే పరిస్థితి నెలకొందని, తమను ఆదుకోవాలని ఆయన దృష్టికి తీసుకెళ్లారు.రైతుల విజ్ఞప్తిపై స్పందించిన మైనంపల్లి హనుమంతరావు వెంటనే సంబంధిత విద్యుత్ అధికారులతో మాట్లాడారు. కాట్రియాల తండాలో విద్యుత్ సమస్య పరిష్కారానికి 100 కేవీ విద్యుత్ ట్రాన్స్‌ఫార్మర్ మంజూరు చేయించారు. దీంతో విద్యుత్ సమస్యకు పరిష్కారం లభించనుండటంతో రైతులు హర్షం వ్యక్తం చేశారు.ఈ కార్యక్రమంలో రామాయంపేట మున్సిపాల్ కౌన్సిలర్ గజవాడ నాగరాజు గుప్తా కాట్రియాల కాంగ్రెస్ పార్టీ నాయకులు కొత్త రాజేందర్ గుప్తా, తదితరులు పాల్గొన్నారు.