సరస్వతి దేవి అలంకారంలో చాముండేశ్వరి దేవి

దసరా నవరాత్రి బ్రహ్మోత్సవాలలో భాగంగా తిరుపతి రూరల్ మండలం తుమ్మలగుంట ఎల్ ఎస్ నగర్ వద్ద వెలసిన శ్రీ శక్తి చాముండేశ్వరి దేవి శనివారం 7వ రోజు శ్రీ సరస్వతి దేవి  అలంకారంలో భక్తులకు అమ్మవారు దర్శనమిచ్చారు. అమ్మవారికి తెల్లవారుజామున ప్రత్యేక అభిషేకము నిర్వహించడంతోపాటు హోమము వేసి ప్రత్యేక అలంకరణలో చేసిన అనంతరం భక్తులకు దర్శనానికి అనుమతించారు.  ఉభయ దారులుగా జెవి మాదవి, వెంకట శివారెడ్డి,శశికళ, రాకేష్, హిమజా, అగ్నివేశ్, అమరేష్, ముని రాజమ్మ, వేణుగోపాల్, మల్లికా, శేఖర్, అనిత, నాగరాజా, మంజుల, గురవయ్య లు వ్యవహరించారు. ఆలయ ధర్మకర్త బిరుదాల భాస్కర్ రెడ్డి ఘనస్వాగతం పలికి వారికి అమ్మవారి ప్రత్యేక దర్శన భాగ్యం కల్పించడంతోపాటు తీర్థప్రసాదాలను అందజేసి శాలువాలతో ఘనంగా సత్కరించారు. పురోహితులు దిలీప్ దాస్ స్వామి, కార్తీక్ స్వాములు ఆశీర్వచనాలు అందజేశారు. మధ్యాహ్నం ఆలయం వద్ద భక్తులకు ధర్మకర్త బిరుదాల భాస్కర్ రెడ్డి ఆధ్వర్యంలో భక్తులకు అన్నదానం చేశారు.