ఎస్సీ యువతకు గోల్డెన్ ఛాన్స్

ఉచిత శిక్షణతో పాటు ఉద్యోగావకాశాలు

రంగారెడ్డి, మేజర్ న్యూస్ (సెప్టెంబర్ 28):నిరుద్యోగ ఎస్సీ యువతకు శుభవార్త. ఉచిత శిక్షణతో పాటు ఉద్యోగావకాశాలు కల్పిస్తున్నట్లు ఎస్సీ కార్పొరేషన్ జిల్లా అధికారి పద్మావతి తెలిపారు. ఆధునిక ఐటీ రంగంలో నైపుణ్యాలు పెంపొందించేందుకు ప్రత్యేక కోర్సులను అందుబాటులోకి తీసుకొచ్చినట్లు వెల్లడించారు.వెబ్ టెక్నాలజీస్‌లో నాలుగు నెలల కోర్సుతో పాటు జూనియర్ సాఫ్ట్‌వేర్ డెవలపర్‌గా మూడు నెలల శిక్షణ ఇవ్వనున్నట్లు తెలిపారు. ఈ కోర్సులకు 18 ఏళ్లు పూర్తై, ఏదైనా డిగ్రీ పూర్తి చేసిన అభ్యర్థులు అర్హులని పేర్కొన్నారు.ఆసక్తి గల అభ్యర్థులు ఈనెల 28 నుంచి అక్టోబర్ 9వ తేదీ వరకు దరఖాస్తు చేసుకోవాలని సూచించారు. ఎంపికైన వారికి అబ్బాయిలు, అమ్మాయిలకు హాస్టల్ సౌకర్యం కూడా కల్పిస్తామని చెప్పారు.మరిన్ని వివరాలకు 7671980899, 494293610 నంబర్లను సంప్రదించాలని కోరారు.