ఎలికట్ట అంబా భవానీ మాతకు మాజీ జెడ్పీటీసీ దంపతుల ప్రత్యేక పూజలు…

 శరన్నవరాత్రి ఉత్సవాల సందర్భంగా ఎలికట్టలోని అంబా భవానీ మాత ఆలయంలో భక్తి సందడి నెలకొంది. ఐదవ రోజు శ్రీ లలితా త్రిపుర సుందరీ దేవి అవతారంలో కొలువైన అమ్మవారిని మాజీ జెడ్పీటీసీ తాండ్ర విశాల శ్రవణ్ రెడ్డి దంపతులు దర్శించుకుని ప్రత్యేక పూజలు నిర్వహించారు. అనంతరం వారు  మాట్లాడుతూ.. నవరాత్రి పర్వదినాల్లో అమ్మవారిని దర్శించుకోవడం ఎంతో పవిత్రమని, అమ్మవారి ఆశీస్సులు ప్రజలందరిపై ఉండాలని, ప్రజలంతా ఆయురారోగ్యాలతో, సుఖసంతోషాలతో ఉండాలని ప్రార్థించినట్లు తెలిపారు.

ఈ కార్యక్రమంలో ఆలయ చైర్మన్ చంద్రయ్య, సర్పంచ్ నవ కిరణి నరసింహ ముదిరాజ్, శ్రీశైలం, శ్రీకాంత్, ఆలయ అర్చకులు, భక్తులు పాల్గొన్నారు.