ఎల్ నినో ప్రభావం తొలగి వర్షాలు కురవాలి
అమ్మవారికి ప్రత్యేక పూజలు - గంప వెంకటేష్ గుప్తా….
కడ్తాల్: ఎల్ నినో ప్రభావం తొలగిపోయి వర్షాలు సమృద్ధిగా కురవాలని, ప్రజలంతా సుఖ సంతోషాలతో ఉండాలని కోరుతూ కడ్తాల్ శివాలయంలో ప్రత్యేక పూజలు నిర్వహించినట్లు డీసీసీబీ డైరెక్టర్ గంప వెంకటేష్ గుప్తా తెలిపారు.
సోమవారం మండల కేంద్రంలోని అభయాంజనేయ, భ్రమరాంబిక మల్లికార్జున స్వామి ఆలయంలో గంప లక్ష్మయ్య కుటుంబ సభ్యులతో కలిసి వెంకటేష్ గుప్తా, వంశిక దంపతులు అర్చకులు వలిపే రామకృష్ణ శర్మ ఆధ్వర్యంలో అభిషేకాలు, ప్రత్యేక పూజలు చేశారు.
దేవీ నవరాత్రుల సందర్భంగా భ్రమరాంబిక అలంకరణలో దర్శనమిచ్చిన దుర్గామాతకు దుర్గామాత మిత్రమండలి ఆధ్వర్యంలో జరిగిన పూజల్లో పాల్గొన్నారు.
అనంతరం ఆయన మాట్లాడుతూ రాష్ట్రంలో వర్షాభావంతో రైతులు ఇబ్బందులు పడుతున్నారని, అమ్మవారి కరుణతో వాతావరణం చల్లబడి పాడిపంటలు బాగా పండాలని మొక్కుకున్నామన్నారు.
ఈ కార్యక్రమంలో ఆలయ చైర్మన్ చాట్ల సర్వేశ, ట్రస్ట్ సభ్యులు శ్రీనివాస్ గుప్తా, నవీన్ గుప్తా, మిత్రమండలి అధ్యక్షుడు కర్ణాకర్, హనుమాన్ యూత్ అధ్యక్షుడు మహేందర్ రెడ్డి, రవీందర్ రెడ్డి, పాండు, వార్డు సభ్యులు మహేష్, యాదగిరి తదితరులు పాల్గొన్నారు.
