అమ్మవారి కృపతో అందరూ సుఖ:సంతోషాలతో జీవించాలి

జిన్నారం :ఉత్తరాది రాష్ట్రాల ప్రజలు ఎంతో భక్తిశ్రద్ధలతో జరుపుకునే కాళాష యాత్రలో కాంగ్రెస్ పార్టీ నాయకులు వి.చంద్రారెడ్డి దంపతులు ముఖ్య అతిథులుగా పాల్గొన్నారు. ఆదివారం ప్రారంభమైన దేవి నవరాత్రి ఉత్సవాల్లో భాగంగా మా అంభి మహిళా సేవా సమితి సభ్యులు, మహిళలు, భక్తులతో కలిసి వారు ఉత్సాహంగా కాళాష యాత్రలో పాల్గొన్నారు. అనంతరం దుర్గాదేవి ఆలయంలో ప్రత్యేక పూజలు నిర్వహించారు. ఈ సందర్భంగా వి.చంద్రారెడ్డి మాట్లాడుతూ.. దేవి నవరాత్రి ఉత్సవాలు భక్తిభావానికి, ఆధ్యాత్మిక చింతనకు ప్రతీకలని అన్నారు. అమ్మవారి ఆశీస్సులు ప్రతి ఒక్కరిపై ఎల్లప్పుడూ ఉండాలని, ప్రజలందరూ ఆయురారోగ్యాలతో, సుఖ:సంతోషాలతో జీవించాలని అమ్మవారిని ప్రార్థించినట్లు తెలిపారు. నవరాత్రి ఉత్సవాల్లో భక్తిశ్రద్ధలతో పాల్గొన్న ప్రతి ఒక్కరికీ అమ్మవారి కృపాకటాక్షాలు లభించాలని ఆకాంక్షించారు. నిర్వాహకులు చంద్రారెడ్డి'ని ఘనంగా సన్మానించారు. ఈ కార్యక్రమంలో వి.ప్రత్యూష ప్రవీణ్ రెడ్డి, ఆలయ కమిటీ సభ్యులు దీననాధ్, చంద్రశేఖర్, రాజారాం, జె.జె సింగ్, లక్కన్ సింగ్, శ్రవణ్, మా అంబి మహిళా సేవా సమితి సభ్యులు, మహిళలు తదితరులు పాల్గొన్నారు.