వ్యర్థాల బహిరంగ వేలంలో రికార్డు దుమ్ము.. ఎదులాపురం మున్సిపాలిటీకి రూ.13.50 లక్షల ఆదాయం

ఖమ్మం రురల్ సూర్య మేజర్ న్యూస్ :ఎదులాపురం మున్సిపాలిటీకి వ్యర్థాల వేలం భారీ ఆదాయాన్ని తెచ్చిపెట్టింది. చికెన్‌, మటన్‌, చేపల వ్యర్థాల సేకరణ, తరలింపు హక్కులకు నిర్వహించిన బహిరంగ వేలంలో ఇద్దరు బిడ్డర్లు పోటీపడ్డారు. మున్సిపాలిటీ నిర్ణయించిన రూ.1.50 లక్షల డీడీ సమర్పించి వేలంలో పాల్గొన్న వారు పోటాపోటీగా బిడ్లు దాఖలు చేశారు. చివరకు రూ.13.50 లక్షల అత్యధిక బిడ్‌ వేసిన ఎం. రాములు వేలంలో విజేతగా నిలిచి హక్కులను కైవసం చేసుకున్నారు.
ఖజానాకు భారీ ఆదాయం
వేలం ద్వారా ఎదులాపురం మున్సిపాలిటీకి ఏకంగా రూ.13.50 లక్షల ఆదాయం సమకూరనుంది. ఈ హక్కుల కాలపరిమితి 31-03-2027 వరకు కొనసాగనుంది. మున్సిపల్‌ నిబంధనల ప్రకారం చికెన్‌, మటన్‌, చేపల వ్యర్థాలను క్రమబద్ధంగా సేకరించి తరలించాల్సి ఉంటుంది. వ్యర్థాల నిర్వహణలో నిర్లక్ష్యానికి తావులేకుండా చూడటంతో పాటు దుర్వాసన, అపరిశుభ్రతకు అడ్డుకట్ట వేసి పట్టణ పారిశుధ్యాన్ని కాపాడాల్సి ఉంటుంది.మున్సిపల్‌ నిబంధనలకు అనుగుణంగా వ్యర్థాలను క్రమబద్ధంగా సేకరించి తరలించడం ద్వారా పట్టణంలో పారిశుధ్యం, ప్రజారోగ్య పరిరక్షణకు చర్యలు తీసుకోనున్నట్లు కమిషనర్‌ ఆళ్ల శ్రీనివాస రెడ్డి తెలిపారు.