వృద్ధులకు తోడుగా నిలవడమే నిజమైన గౌరవం

వృద్ధులకు తోడుగా నిలవడమే నిజమైన గౌరవం

డాక్టర్‌ అడ్డాల సత్యనారాయణ

కాకినాడ: చిన్నతనంలో నడక నేర్పిన పెద్దలకు వృద్ధాప్యంలో తోడుగా నిలవడమే వారికి ఇచ్చే నిజమైన గౌరవమని శ్రీ సత్య దంత వైద్యశాల వైద్యుడు డాక్టర్‌ అడ్డాల సత్యనారాయణ అన్నారు. అంతర్జాతీయ వయోవృద్ధుల దినోత్సవం సందర్భంగా బుధవారం స్థానిక రెడ్‌క్రాస్‌ సొసైటీ వృద్ధాశ్రమంలో ఆయన ఆధ్వర్యంలో వృద్ధులకు పండ్లు పంపిణీ చేశారు.

ఈ సందర్భంగా ఆయన మాట్లాడుతూ వృద్ధులతో కుటుంబ సభ్యులు కొంత సమయం గడపాలని, వారి మాటలను ఓపికగా వినాలని సూచించారు. జీవితాంతం కుటుంబం, సమాజం కోసం శ్రమించిన వారిని వృద్ధాప్యంలో నిర్లక్ష్యం చేయకుండా ఆదరించాల్సిన బాధ్యత అందరిపైనా ఉందన్నారు. వారి ఆరోగ్యం, ఆహారం, మందులతోపాటు మానసిక ఉల్లాసంపైనా శ్రద్ధ చూపాలన్నారు. పెద్దల జీవిత అనుభవం, జ్ఞానం భావితరాలకు మార్గదర్శకమని పేర్కొన్నారు.

కార్యక్రమంలో డాక్టర్‌ రామ్‌చరణ్‌, వీరభద్రరావు, ఆశ్రమ వృద్ధులు పాల్గొన్నారు.