వైసీపీకి రాజీనామా చేసి టీడీపీలో చేరిన కేశవాచారి

నెల్లూరు,  మేజర్ న్యూస్  :    నెల్లూరు నగరపాలక సంస్థ ఎన్నికల నేపథ్యంలో వైఎస్సార్ కాంగ్రెస్ పార్టీకి చెందిన కేశవాచారి ఆ పార్టీకి రాజీనామా చేసి తెలుగుదేశం పార్టీలో చేరారు. టీడీపీ జిల్లా అధ్యక్షుడు బీదా రవిచంద్ర, కోటంరెడ్డి సోదరుల సమక్షంలో ఆయన టీడీపీ తీర్థం పుచ్చుకున్నారు. ఈ సందర్భంగా టీడీపీ నాయకులు కేశవాచారిని పార్టీలోకి ఆహ్వానించారు. కార్పొరేషన్ ఎన్నికల సమయంలో వైసీపీకి చెందిన నాయకులు పార్టీని వీడి టీడీపీలో చేరడం స్థానిక రాజకీయ వర్గాల్లో చర్చనీయాంశంగా మారింది.  నగరపాలక సంస్థ ఎన్నికల నేపథ్యంలో వివిధ పార్టీల నాయకుల చేరికలు, రాజకీయ పరిణామాలు నెల్లూరు నగర రాజకీయాల్లో ప్రాధాన్యత సంతరించుకుంటున్నాయి.