వైఎస్సార్‌సీపీ నుంచి 24, టీడీపీ నుంచి 14, జనసేన నుంచి 8 నామినేషన్లు
తణుకు,సూర్య న్యూస్ : స్థానిక సంస్థల ఎన్నికల ప్రక్రియలో భాగంగా తణుకు మండలంలోని ఎంపీటీసీ స్థానాలకు నామినేషన్ల స్వీకరణ కొనసాగుతోంది. గురువారం రెండో రోజు వివిధ రాజకీయ పార్టీలతో పాటు స్వతంత్ర అభ్యర్థుల నుంచి మొత్తం 53 నామినేషన్లు దాఖలైనట్లు రిటర్నింగ్ అధికారి ఆరిమిల్లి శ్రీనివాస్ వెల్లడించారు.
రెండో రోజు దాఖలైన నామినేషన్ల వివరాలను పరిశీలిస్తే వైఎస్సార్ కాంగ్రెస్ పార్టీ నుంచి అత్యధికంగా 24 నామినేషన్లు దాఖలు కాగా, తెలుగుదేశం పార్టీ నుంచి 14, జనసేన పార్టీ నుంచి 8 నామినేషన్లు నమోదయ్యాయి. అలాగే భారతీయ జనతా పార్టీ నుంచి 2, బహుజన్ సమాజ్ పార్టీ నుంచి 2, సీపీఐ(ఎం) నుంచి ఒకటి, భారత జాతీయ కాంగ్రెస్ నుంచి ఒకటి, స్వతంత్ర అభ్యర్థి నుంచి ఒక నామినేషన్ దాఖలైనట్లు తెలిపారు.మొత్తంగా ఎనిమిది పార్టీలవారీ, స్వతంత్ర విభాగాల కింద 53 నామినేషన్లు నమోదైనట్లు రిటర్నింగ్ అధికారి వివరించారు. స్థానిక ప్రజాప్రాతినిధ్య వ్యవస్థలో కీలకమైన ఎంపీటీసీ స్థానాలకు జరుగుతున్న ఎన్నికల నేపథ్యంలో నామినేషన్ల ప్రక్రియకు ప్రాధాన్యం ఏర్పడింది. ఎన్నికల నిబంధనలకు అనుగుణంగా నామినేషన్ల స్వీకరణ ప్రక్రియ కొనసాగుతున్నట్లు రిటర్నింగ్ అధికారి ఆరిమిల్లి శ్రీనివాస్ తెలిపారు
.రిపోర్టర్..అనుకుమార్. ..తణుకు. ...పశ్చిమగోదావరి జిల్లా.
