స్పందనకు ఆరు అర్జీలు.. అర్జీలను పరిశీలించి సంబంధిత శాఖలకు పంపిన మున్సిపల్ కమిషనర్‌ ఎం జశ్వంత్ రావు..

 అనంతపురం కార్పొరేషన్ మేజర్ న్యూస్..అనంతపురం నగరపాలక సంస్థ కార్యాలయంలో నిర్వహించిన స్పందన కార్యక్రమానికి ప్రజల నుంచి ఆరు అర్జీలు అందాయి. ఈ సందర్భంగా ప్రజలు సమర్పించిన అర్జీలను నగరపాలక సంస్థ కమిషనర్ ఎం. జశ్వంత్ రావు నిశితంగా పరిశీలించారు.
ప్రజలు తమ సమస్యల పరిష్కారం కోసం సమర్పించిన అర్జీలను సంబంధిత శాఖల అధికారులకు పంపించారు. అర్జీల్లో పేర్కొన్న సమస్యలను క్షుణ్ణంగా పరిశీలించి, నిబంధనల ప్రకారం త్వరితగతిన పరిష్కరించాలని కమిషనర్ సంబంధిత అధికారులకు సూచించారు. ప్రజల సమస్యల పరిష్కారానికి అధికారులు ప్రాధాన్యత ఇవ్వాలని, స్పందన కార్యక్రమానికి వచ్చిన అర్జీలపై నిర్లక్ష్యం చేయకుండా తగిన చర్యలు తీసుకోవాలని ఆయన ఆదేశించారు.