ప్రశాంతంగా ఎస్ఎంసి ఎన్నికలు

ప్రశాంతంగా ఎస్ఎంసి ఎన్నికలు

కొత్తపేట,మేజర్ న్యూస్:మండలంలోని 81 ప్రభుత్వ పాఠశాలల్లో స్కూల్ మేనేజ్‌మెంట్ కమిటీ ఎన్నికలు మంగళవారం ప్రశాంత వాతావరణంలో జరిగాయి.ప్రభుత్వ ఆదేశాల మేరకు ఎటువంటి అవాంఛనీయ సంఘటనలకు తావులేకుండా ఎన్నికల ప్రక్రియను అధికారులు విజయవంతంగా నిర్వహించారు.మండలంలోని అన్ని 81 ప్రభుత్వ పాఠశాలల్లో ఎస్.ఎమ్.సి చైర్మన్,వైస్ చైర్మన్‌తో పాటు కమిటీ సభ్యులను ఎన్నికల ద్వారా ఎన్నుకున్నారు.ఎన్నికైన కమిటీలు పాఠశాలల అభివృద్ధికి,విద్యార్థులకు మెరుగైన విద్యా వాతావరణం కల్పించేందుకు సమన్వయంతో పనిచేయాలని విద్యాశాఖ అధికారులు సూచించారు.ఈ సందర్భంగా నూతనంగా ఎన్నికైన ఎస్ఎంసి చైర్మన్లు,వైస్ చైర్మన్లు,కమిటీ సభ్యులకు మండల విద్యాశాఖాధికారులు ఎమ్.హరి ప్రసాద్,కె.లీలావతి అభినందనలు తెలిపారు.పాఠశాలల అభివృద్ధిలో ఎస్ఎంసి లు క్రియాశీలక పాత్ర పోషించాలని వారు ఆకాంక్షించారు.