పూసపాడులో వ్యక్తి అనుమానాస్పద మృతి

ఇంకొల్లు, మేజర్‌న్యూస్‌ :
ఇంకొల్లు మండలంలోని పూసపాడు గ్రామంలో ఓ వ్యక్తి అనుమానాస్పద స్థితిలో మృతి చెందినట్లు ఇంకొల్లు పోలీసు స్టేషన్‌లో కేసు నమోదైంది. ఎస్సై వినోద్‌ కుమార్‌ తెలిపిన వివరాల ప్రకారం 
పూసపాడు గ్రామానికి చెందిన అనీల్ అలియాస్‌ కిషోర్  (38)  వలపర్ల భారత్ పెట్రోలియం బంకులో పంపు బాయి గా పని చేస్తూ, అక్కడే ఉంటూ అప్పుడప్పుడు ఇంటికి వచ్చి వెళుతూ ఉండే వాడనీ, వారం క్రితం వలపర్ల పెట్రోల్ బంకు పనుల కోసం ఇంటినుండి వెళ్ళి తిరిగా రాలేదని మృతుని భార్య ఫిర్యాదులో పేర్కొందన్నారు.  మృతుని భార్య శుక్రవారం చిలకలూరిపేట లో చర్చి కి ప్రార్థన కోసం వెళ్ళిన నేపధ్యంలో నూనె దేవ సహాయం పాడుబడిన ఇంటిలో నీ భర్త చనిపోయి ఉన్నాడని ఫోను చేసి చెప్పటంతో భార్య వచ్చి చూసేసరికి చనిపోయి ఉన్నట్లు,  తన భర్త మరణానికి కారణం తెలియనందున అనుమానాస్పద స్థితిలో కేసు నమోదు చేసి దర్యాప్తు చేయాలని బాధితురాలు కోరారు. ఎస్సై వినోద్‌ కుమార్‌ కేసు నమోదు చేసి దర్యాప్తు చేస్తున్నారు. ఇంకొల్లు సి.ఐ రామ్‌ నాయక్‌ సంఘటనా స్థలాన్ని పరిశీలించారు.  మృత దేహాన్ని పోస్టుమార్టం నిమిత్తం చీరాల ప్రభుత్వాసుపత్రికి తరలించారు. 
సూర్య రిపోర్టర్‌ : షేక్‌ జానిబాష, ఇంకొల్లు.