పూడివాడలో పల్లెనిద్ర కార్యక్రమం నిర్వహించిన పోలీసులు

నగరం, మేజర్ న్యూస్:
మండల పరిధిలోని పూడివాడ  శివారు రెడ్లపాలెంలో శుక్రవారం రాత్రి పల్లెనిద్ర కార్యక్రమాన్ని నగరం ఎస్సై డి. చెన్నకేశవులు తమ సిబ్బందితో నిర్వహించినారు. స్థానిక సంస్థల ఎన్నికల సందర్భంగా ఎలక్షన్ కోడ్ అమలులో ఉందని, గతంలో ఎన్నికల సమయంలో గొడవలు పడిన వారిని బైండోవర్ చేస్తున్నట్లు చెప్పారు. ఎలక్షన్ కోడ్ అమలులో ఉన్నందున ఎవరైనా అతిక్రమిస్తే వారిపై చట్ట ప్రకారం కేసులు నమోదు చేసి, కఠిన చర్యలు తీసుకుంటామని హెచ్చరించారు. గ్రామ ప్రజలకు ఎలక్షన్ కోడ్, గంజాయి, పోస్కోచట్టంపై అవగాహన కల్పించారు. కార్యక్రమంలో పోలీసు సిబ్బంది, గ్రామస్తులు తదితరులు పాల్గొన్నారు.