ఓట్ల లెక్కింపు ఏర్పాట్లు తనిఖీ

ఎడ్యుకేషన్ స్టాఫ్ రిపోర్టర్ : నగరపాలక సంస్థ ఎన్నికల ఓట్ల లెక్కింపు కోసం ఎస్వీ ఆర్ట్స్ కళాశాలలో ఏర్పాటు చేసిన ఓట్ల లెక్కింపు కేంద్రం, స్ట్రాంగ్ రూమ్ వద్ద చేపట్టిన ఏర్పాట్లను నగరపాలక కమిషనర్ ఎం జయకృష్ణ శుక్రవారం అధికారులతో కలసి తనిఖీ చేశారు. ఈ సందర్భంగా ఓట్ల లెక్కింపు కేంద్రం వద్ద చేపట్టిన మౌలిక సదుపాయాలు, భద్రతా ఏర్పాట్లు, కౌంటింగ్ హాళ్లలో అవసరమైన సౌకర్యాలు, అధికారులకు, సిబ్బందికి కల్పించాల్సిన వసతులను పరిశీలించారు. ఓట్ల లెక్కింపు ప్రక్రియ సజావుగా, పారదర్శకంగా, ప్రశాంత వాతావరణంలో నిర్వహించేందుకు అవసరమైన అన్ని ఏర్పాట్లను సమన్వయంతో పూర్తి చేయాలని, ఎన్నికల నిబంధనలను పాటిస్తూ, విధులు నిర్వహించే అధికారులు, సిబ్బందికి ఎలాంటి ఇబ్బందులు కలగకుండా తగిన చర్యలు తీసుకోవాలని ఆదేశించారు. కమిషనర్ వెంట మేయర్ రిటర్నింగ్ ఆఫీసర్ భరత్ నాయక్, డిప్యూటీ కమిషనర్ అమరయ్య, సర్వేయర్ గురువారెడ్డి ఉన్నారు.

సీఎం గౌడ్ తిరుపతి స్టాప్ రిపోర్టర్