నేడు అనంత మేయర్ స్థానానికి బిజెపి అభ్యర్థి అజేష్ యాదవ్ నామినేషన్

నేడు అనంత బిజెపి మేయర్ అభ్యర్థి అజయ్ యాదవ్ నామినేషన్

అనంతపురము రూరల్ మేజర్ న్యూస్ :  అనంతపురం నగర మేయర్ అభ్యర్థిగా   బిజెపి నుంచి అజేష్ యాదవ్ ఆదివారం   నామినేషన్  దాఖలు చేయనున్నారు. మేయర్ స్థానం బిజెపికి కేటాయించినప్పటి నుంచి అభ్యర్థి ఎంపికలో గత రెండు రోజులుగా బిజెపి అధిష్టానం తీవ్ర కసరత్తులు చేపట్టింది. మరో ఇద్దరు బిజెపి నాయకులు పేర్లు కూడా ప్రముఖంగా వినిపించిన.. చివరకు అజేష్ యాదవ్ పేరును పార్టీ  నాయకత్వం ప్రకటించింది. మంత్రి సత్య కుమార్, బిజెపి రాష్ట్ర కార్యదర్శి సంధి రెడ్డి శ్రీనివాసులకు సన్నిహితుడుగా అజేష్ యాదవ్ గుర్తింపు ఉంది. కూటమి భాగస్వామ్య పార్టీలైన టిడిపి, జనసేన మద్దతుతో  అజేష్ యాదవ్ బరిలో దిగనున్నారు. బీసీ యాదవ సామాజిక వర్గానికి చెందిన అజేష్ యాదవ్ ప్రస్తుతం బీజేవైఎం రాష్ట్ర నేతగా పనిచేస్తున్నారు. పార్టీ కార్యక్రమాలను చురుగ్గా నిర్వహిస్తూ.. సేవ  కార్యక్రమాలలో యాక్టివ్ గా ఉన్నారు. టిడిపి, జనసేన మద్దతుతో .. బరిలో దిగడంతో గెలుపు అవకాశాలపై బిజెపి నాయకులు ధీమా వ్యక్తం చేస్తున్నారు. ఆదివారం నామినేషన్ కార్యక్రమానికి టిడిపి, జనసేన, బిజెపి రాష్ట్ర నేతలతో పాటు జిల్లా నాయకులు కార్యకర్తలతో కలిసి భారీ ప్రదర్శన నిర్వహించి.. అనంతరం అజేష్ యాదవ్ నామినేషన్  వేసేందుకు కార్యక్రమాలు విస్తృతంగా కొనసాగుతున్నాయి.