నామినేషన్ పరిశీలన

 నామినేషన్ల స్వీకరణ ప్రక్రియను పరిశీలించిన జనరల్ అబ్జర్వర్ ఎం. విజయ

నేటి దినపత్రిక సూర్య బ్యూరో రాజమహేంద్రవరంతూర్పుగోదావరి జిల్లాలో ఎంపీటీసీ, జెడ్పీటీసీ ఎన్నికల నేపథ్యంలో జెడ్పీ కార్యాలయంలో జరుగుతున్న జెడ్పీటీసీ నామినేషన్ల స్వీకరణ ప్రక్రియను జనరల్ అబ్జర్వర్ ఎం. విజయ శుక్రవారం పరిశీలించారు.నామినేషన్ల స్వీకరణకు నిర్ణయించిన గడువు ముగుస్తున్న నేపథ్యంలో, నామినేషన్ల స్వీకరణకు సంబంధించి ఎన్నికల సంఘం మార్గదర్శకాల అమలు, అక్కడ చేపట్టిన ఏర్పాట్లు, ప్రక్రియ నిర్వహణ తీరుపై అధికారులతో సమీక్ష నిర్వహించారు. నిర్ణీత గడువులో నామినేషన్ల స్వీకరణ ప్రక్రియను ఎన్నికల నిబంధనలకు అనుగుణంగా నిర్వహించాలని సూచించారు.నామినేషన్ల స్వీకరణ ప్రక్రియలో ఎన్నికల సంఘం నిర్దేశించిన సమయపాలనను పాటిస్తూ, అభ్యర్థులందరికీ నిబంధనల ప్రకారం సమాన అవకాశాలు కల్పించాలని జనరల్ అబ్జర్వర్ సూచించారు. ఎన్నికల నిర్వహణలో భాగంగా సంబంధిత అధికారులు తమకు కేటాయించిన బాధ్యతలను సమన్వయంతో నిర్వర్తించాలని, నామినేషన్ల స్వీకరణకు సంబంధించిన ప్రక్రియను ఎలాంటి లోటుపాట్లకు తావులేకుండా పూర్తి చేయాలని పేర్కొన్నారు. ఎన్నికల ప్రక్రియ పారదర్శకంగా, నిష్పక్షపాతంగా సాగేందుకు ప్రతి అధికారి అప్రమత్తంగా ఉంటూ ఎన్నికల మార్గదర్శకాలను కచ్చితంగా అమలు చేయాలని సూచించారు. పరిశీలనలో జాయింట్ కలెక్టర్ వై. మేఘా స్వరూప్, రాజమహేంద్రవరం సబ్ కలెక్టర్ శుభం నోక్వాల్, అదనపు ఎస్పీ  తరుణ్ పహ్వా, జెడ్పీ సీఈవో / జెడ్పీటీసీ రిటర్నింగ్ అధికారి ఎం. రాజు, డీపీఓ వి. శాంతమణి, పి. వీణాదేవి, కె. శ్రీనివాసరావు, ఎంపీడీఓ సునీల్ ఆర్మ్‌స్ట్రాంగ్ తదితరులు పాల్గొన్నారు.