ముత్తుకూరు బిట్-1 ఎంపీటీసీ స్థానం వైకాపా అభ్యర్థిగా దేవా రెడ్డి

ముత్తుకూరు ,  మేజర్ న్యూస్ :    ముత్తుకూరు బిట్-1 ఎంపీటీసీ స్థానానికి వైయస్సార్ కాంగ్రెస్ పార్టీ అభ్యర్థిగా దేవా రెడ్డి అశోక్ రెడ్డి నామినేషన్ వేశారు. ఎంపిటిసి ఎన్నికల కార్యాలయంలో ఎన్నికల రిటర్నింగ్ అధికారి ఓ రమేష్ బాబుకు నామినేషన్ పత్రాన్ని అందజేశామని అభ్యర్థి దేవా రెడ్డి మేజర్ న్యూస్ కు తెలియపరిచారు. సుదీర్ఘకాలంగా పార్టీకి సేవ చేసినందుకు గుర్తింపుగా పోటీ చేసే అవకాశం లభించిందని ఆయన పేర్కొన్నారు. రాష్ట్ర మాజీ మంత్రి కాకాణి గోవర్ధన్ రెడ్డి, మండల పార్టీ అధ్యక్షుడు మెట్ట విష్ణువర్ధన్ రెడ్డి, స్థానిక నాయకులతో పాటు కార్యకర్తలు గ్రామస్థుల సహకారంతో ఎన్నికల్లో ఉన్నామని తెలిపారు. త్వరలోనే ఇంటింటి ప్రచారం చేస్తామని అన్నారు. గత వైయస్సార్ కాంగ్రెస్ పార్టీ ప్రభుత్వ పరిపాలనలో ముత్తుకూరు గ్రామపంచాయతీలో జరిగిన అభివృద్ధిని ఓటర్లకు తెలియజేస్తామని ఆ ప్రచారమే విజయానికి నాంది అవుతుందన్నారు.