కూటమి చైర్మన్ అభ్యర్థిగా నేడు మాచాని సునీత నామినేషన్

కూటమి చైర్మన్ అభ్యర్థిగా నేడు మాచాని సునీత నామినేషన్
ఎమ్మిగనూరు,  సూర్య ప్రతినిధి, ఎమ్మిగనూరు 
స్థానిక రాజకీయాల్లోకి
ఎంబీ నాగప్ప కుటుంబానికి చెందిన మాచాని సునీత కూటమి పాలనలో ఎమ్మిగనర్ మునిసిపల్ చైర్మన్ అభ్యర్థిగా నియామకం జరిగింది ఈ సందర్భంగా ఆమె ఆదివారం తన నామినేషన్లు దాఖలు చేయనున్నారు దీంతో ఆమె ప్రత్యక్షంగా రాజకీయాల్లో అడుగుపెట్టారు. ఎమ్మిగనూరు మున్సిపల్ చైర్మన్ అభ్యర్థిగా ఆమె పేరును తెలుగుదేశం పార్టీ అధిష్ఠానం అధికారికంగా శనివారం ప్రకటించడంతో ఆమె రాజకీయ ప్రవేశం స్థానికంగా తీవ్ర ప్రాధాన్యత సంతరించుకుంది. మాచాని సునీత పట్టణంలోని ప్రజాదరణ పొందిన మాచాని కుటుంబానికి చెందిన ఎంబీ నాగప్ప మూడో కోడలు. ఆమె భర్త మాచాని మహేష్ ప్రస్తుతం ఎమ్మిగనూరు టీడీపీ పట్టణ అధ్యక్షుడిగా బాధ్యతలు కొనసాగిస్తున్నారు, పట్టణంలో పార్టీ బలోపేతానికి తనవంతుగా కృషి చేస్తున్నారు. మాచాని సునీత డిగ్రీ విద్యను మధ్యలోనే నిలిపివేశారు. ఈ దంపతులకు ఇద్దరు కుమారులు ఉన్నారు. ఇప్పటివరకు కుటుంబ బాధ్యతల్లో ఉన్న సునీత, భర్త మాచాని మహేష్ రాజకీయ కార్యకలాపాలకు, పార్టీకి అండగా నిలుస్తూ వచ్చారు. ఇప్పుడు పార్టీ అధిష్ఠానం ఆమెపై ఉంచిన నమ్మకంతో మున్సిపల్ చైర్మన్ అభ్యర్థిత్వాన్ని ఖరారు చేయడంతో, నేరుగా ఎన్నికల బరిలో నిలిచి ప్రత్యక్ష రాజకీయ ప్రవేశం చేశారు. మాచాని సునీత రాజకీయ ప్రవేశాన్ని, చైర్మన్ అభ్యర్థిగా ఆమె నియామకాన్ని స్థానిక టీడీపీ నేతలు, మహిళా విభాగం, శ్రేణులు విశేషంగా స్వాగతిస్తున్నాయి. మహిళా నాయకత్వానికి టీడీపీ ప్రాధాన్యం ఇవ్వడం పట్ల పట్టణ ప్రజల్లోనూ, పార్టీ శ్రేణుల్లోనూ హర్షాతిరేకాలు వ్యక్తమవుతున్నాయి.
రాజా శరత్ కుమార్. ఏ సూర్య ప్రతినిధి ఎమ్మిగనూరు కర్నూలు జిల్లా