జీతాల కోసం ఎమ్మార్వో కార్యాలయం మెట్లెక్కిన ఆర్డబ్ల్యూఎస్ కాంట్రాక్ట్ వర్కర్స్

సూర్య న్యూస్ దర్శి.; ఆర్డబ్ల్యుఎఫ్ స్కీమ్ లో కాంట్రాక్ట్ పద్ధతిలో పనిచేస్తున్న వర్కర్స్ కు 7 నెలలుగా జీతాలు ఇవ్వనందున కాంట్రాక్టు పద్ధతిలో పనిచేస్తున్న 41 మంది కాంట్రాక్ట్ వర్కర్స్ మంగళవారం తహసిల్దార్ కార్యాలయం వద్ద నిరసన తెలిపి, వినతి పత్రాన్ని అందజేశారు. గతంలో సమ్మె చేసినప్పుడు జిల్లా కలెక్టర్ మూడు రోజులలో జీతాలు చెల్లించమని ఎస్.ఇ ని ఆదేశించారు. కలెక్టర్ చెప్పిన తర్వాత రెండు నెలల కావస్తున్న ఇప్పటికీ జీతాలు ఇవ్వకపోగా అవమానకరంగా మాట్లాడుతూ చులకనగా చూస్తున్నారని  వాపోయారు.రెండు రోజులలో మా జీతాలు చెల్లించి మా కుటుంబాలను కాపాడాలని వారు విన్నవించారు. వర్కర్స్ కిసీపీఐ దర్శి నియోజకవర్గ కార్యదర్శి ఎం రమేష్ బాబు, ఏఐవైఎఫ్ జిల్లా అధ్యక్షులు ఆర్ కరుణానిధి, ఏఐటీయూసీ నాయకులు జూపల్లి కోటేశ్వరరావు మద్దతు తెలుపుతూ కార్మికుల పక్షాన జీతాలు వచ్చేంతవరకు పోరాటం చేస్తామని  తెలిపారు.