సూర్య, మందమర్రి.: క్రీడల్లో ప్రతిభకు పట్టం కడుతూ తెలంగాణ మోడల్‌ స్కూల్‌ మందమర్రి జూనియర్‌ కళాశాల విద్యార్థిని మిట్టపల్లి హర్షిత రాష్ట్రస్థాయి ఫుట్‌బాల్‌ పోటీలకు ఎంపికైంది. అండర్‌-19 విభాగంలో తన ప్రతిభను చాటుకున్న ఆమె ఖమ్మంలో ఈ నెల 16, 17, 18 తేదీల్లో నిర్వహించనున్న రాష్ట్రస్థాయి పోటీల్లో పాల్గొననుంది. హర్షిత సాధించిన ఈ విజయంపై కళాశాల ప్రిన్సిపాల్‌ సారా తస్నీమ్‌, పీఈటీ ఎం. చిన్నక్క హర్షం వ్యక్తం చేశారు. రాష్ట్రస్థాయి పోటీల్లోనూ అత్యుత్తమ ప్రతిభ కనబరిచి కళాశాలకు మంచి పేరు తీసుకురావాలని ఆకాంక్షించారు. విద్యార్థిని విజయాన్ని కళాశాల ఉపాధ్యాయులు, సిబ్బంది అభినందించారు.
