కెనాల్‌లో గల్లంతైన యువకుడి మృతదేహం వెలికితీత

సూర్య కరీంనగర్ ప్రతినిధి 

కొత్తపల్లి మండలం బందిపల్లి గ్రామానికి చెందిన తాండ్ర రుద్ర వినాయక విగ్రహ నిమజ్జనం సందర్భంగా మల్కాపూర్ క్రాస్‌రోడ్డు వద్ద కెనాల్‌లో ప్రమాదవశాత్తు జారిపడి గల్లంతయ్యాడు. నీటి ఉధృతి ఎక్కువగా ఉండటంతో కొట్టుకుపోయిన రుద్ర కోసం పోలీసులు, అధికారులు, స్థానికులు గాలింపు చర్యలు చేపట్టారు.
శుక్రవారం ఎల్‌ఎండీ ప్రాంతంలో రుద్ర మృతదేహం లభ్యమైంది. విషయం తెలుసుకున్న నగర మేయర్ కొలగాని శ్రీనివాస్ సంఘటనా స్థలానికి చేరుకుని మృతదేహం వెలికితీతను పర్యవేక్షించారు. అనంతరం మృతదేహాన్ని పోస్టుమార్టం నిమిత్తం ప్రభుత్వ ఆస్పత్రికి తరలించారు. ప్రక్రియను త్వరగా పూర్తి చేసి మృతదేహాన్ని కుటుంబ సభ్యులకు అప్పగించాలని అధికారులను మేయర్ ఆదేశించారు.