కలెక్టరేట్లో ఘనంగా బతుకమ్మ సంబరాలు

మహబూబ్ నగర్, సూర్య ప్రతినిధి:మహబూబ్‌నగర్ కలెక్టరేట్ కార్యాలయ ఆవరణలో ఈరోజు  బతుకమ్మ సంబరాలను ఘనంగా నిర్వహించారు. ముందుగా జిల్లా కలెక్టర్ ఖుష్బూ గుప్త పూజ చేసి ప్రారంభించారు.

ఈ సందర్భంగా ఎక్సైజ్, నీటిపారుదల, రిజిస్ట్రేషన్,  వ్యవసాయ శాఖ, జిల్లా సహకార శాఖ, పి.డి ఆత్మ , షెడ్యూల్ కులాల సంక్షేమ అభివృద్ధి, శాఖలకు చెందిన మహిళా ఉద్యోగినులు సంప్రదాయబద్ధంగా రంగురంగుల పూలతో బతుకమ్మలను పేర్చి వేడుకల్లో పాల్గొన్నారు.
బతుకమ్మల చుట్టూ చేరి ఆటపాటలతో సందడి చేస్తూ పండుగను ఉత్సాహంగా జరుపుకున్నారు.

తెలంగాణ సంస్కృతి, సంప్రదాయాలకు ప్రతీకగా నిలిచే బతుకమ్మ పండుగను మహిళా ఉద్యోగినులు ఆనందోత్సాహాల మధ్య జరుపుకుంటూ పండుగ ప్రత్యేకతను చాటిచెప్పారు.

కార్యక్రమంలో రెవెన్యూ అదనపు కలెక్టర్ జె. ఎల్. బి హరిప్రియ, అసిస్టెంట్ కలెక్టర్ అండర్ ట్రైనీ సాయి శివాని, డి.ఆర్.ఓ నిర్మల,జిల్లా షెడ్యూల్డ్ కులాల అభివృద్ధి శాఖ అధికారిని సునీత ,జిల్లా అధికారులు
తదితరులు పాల్గొన్నారు.