సూర్య రెంజల్: తెలంగాణ ఆడపడుచుల ఆత్మ గౌరవానికి ప్రతికగా నిర్వహించే బతుకమ్మ పండుగ సంబరాలను అంబరాన్ని అంటే విధంగా మండలంలోని బోర్గం, సాటాపూర్, రెంజల్, కళ్యా పూర్ గ్రామాలలో ఘనంగా నిర్వహించారు. గురువారం తెలంగాణ సంస్కృతి, సాంప్రదాయాలకు ప్రతీకగా నిలిచేది బతుకమ్మ పండుగ. తెలంగాణ ఆడపడుచులు అంతా సంబరంగా జరుపుకునే వేడుక. బంధాలను, అనుబంధాలను గుర్తు చేస్తూ, ప్రకృతిని ఆరాధిస్తూ, తెలంగాణ సాంస్కృతిక వారసత్వాన్ని ప్రపంచానికి చాటి చెప్పే పండుగ బతుకమ్మ పండుగ. ఇదో పూల పండుగ, ప్రకృతిని పూజించే పండుగ. తొమ్మిది రోజుల పాటు ఆడి పాడి గౌరీ దేవిని అత్యంత భక్తి శ్రద్ధలతో పూజించే తెలంగాణకే ప్రత్యేకమైన పూల సంబరం బతుకమ్మ పండుగ.అమావాస్య నాడు ఎంగిలి పూల బతుకమ్మగా ప్రారంభమయ్యే సంబరాలు తొమ్మిది రోజులపాటు సాగి సద్దుల బతుకమ్మ రోజు గౌరమ్మను సాగనంపడం తో ముగుస్తాయి.ప్రకృతిలో లభించే ప్రతి పువ్వు ఏరికోరి తెచ్చి, రంగురంగుల పూలతో బతుకమ్మలను పేర్చి, నిత్యం గౌరీదేవిని తమ ఆటపాటలతో పూజిస్తారు. అందరూ కలిసి సంతోషంగా పాటలు పాడుతూ, బతుకమ్మ ఆటలు ఆడతారు. మహిళలు, యువతులు డిజే సౌండ్ల మధ్య నుత్యాలను చేస్తూ కన్నుల విందు చేపట్టారు. ఈ కార్యక్రమంలో సర్పంచులు తిరుపతి లలిత,సువాసిని, జ్యోతి, ఉపసర్పంచులు మహిళలు, యువతులు, చిన్నారులు తదితరులు పాల్గొన్నారు.
