అభివృద్ధి పనులను వేగవంతం చేయాలి

ఆర్‌అండ్‌బీ, పంచాయతీరాజ్, ట్రైబల్ వెల్ఫేర్ అధికారులతో ఎమ్మెల్యే బుయ్యని మనోహర్ రెడ్డి సమీక్ష
తాండూరు, మేజర్ న్యూస్(సెప్టెంబర్ 29):తాండూరు నియోజకవర్గ సమగ్ర అభివృద్ధికి చేపడుతున్న పనులను వేగవంతం చేయాలని తాండూరు ఎమ్మెల్యే బుయ్యని మనోహర్ రెడ్డి అధికారులను ఆదేశించారు. హైదరాబాద్‌లోని క్యాంపు కార్యాలయంలో ఆర్‌అండ్‌బీ (R&B), పంచాయతీరాజ్, ట్రైబల్ వెల్ఫేర్ శాఖల అధికారులతో ఎమ్మెల్యే సమీక్ష సమావేశం నిర్వహించారు.ఈ సందర్భంగా నియోజకవర్గ పరిధిలో ఆయా శాఖల ఆధ్వర్యంలో చేపడుతున్న వివిధ అభివృద్ధి పనులపై అధికారులతో సమగ్రంగా చర్చించారు. పనుల ప్రస్తుత స్థితిగతులు, ఇప్పటివరకు జరిగిన పురోగతి, పెండింగ్‌లో ఉన్న పనులు, వాటి పూర్తికి తీసుకోవాల్సిన చర్యలపై వివరాలు అడిగి తెలుసుకున్నారు.ప్రజలకు మెరుగైన రహదారులు, మౌలిక వసతులు, ఇతర సౌకర్యాలు అందేలా అభివృద్ధి పనులను నిర్ణీత గడువులో పూర్తి చేయాలని ఎమ్మెల్యే సూచించారు. పెండింగ్ పనులపై ప్రత్యేక దృష్టి సారించి, శాఖల మధ్య సమన్వయంతో సమస్యలను పరిష్కరించాలని అధికారులకు దిశానిర్దేశం చేశారు.ప్రజల అవసరాలకు అత్యధిక ప్రాధాన్యతనిస్తూ తాండూరు నియోజకవర్గాన్ని అన్ని రంగాల్లో అభివృద్ధి చేసే దిశగా అధికారులు సమన్వయంతో పనిచేయాలని ఎమ్మెల్యే బుయ్యని మనోహర్ రెడ్డి సూచించారు.రిపోర్టర్ రామచందర్.