telanagana
హైదరాబాద్లో 12 మంది నకిలీ డాక్టర్ల అరెస్ట్
హైదరాబాద్: నగరంలో ఎలాంటి అర్హతలు లేకుండా చట్టవిరుద్ధంగా క్లినిక్లు నిర్వహిస్తున్న 12 మంది నకిలీ డాక్టర్లను టాస్క్ ఫోర్స్ పోలీసులు అరెస్ట్ చేశారు. జూబ్లీహిల్స్, సికింద్రాబాద్ జోన్ల పరిధిలోని పలు ప్రాంతాల్లో ఆకస్మిక తనిఖీలు చేపట్టి వీరిని అదుపులోకి తీసుకున్నట్లు టాస్క్ ఫోర్స్ డీసీపీ వైభవ్ గైక్వాడ్ వెల్లడించారు.
ప్రజల ఆరోగ్యంతో చెలగాటమాడుతూ నకిలీ సర్టిఫికెట్లతో క్లినిక్లు నడుపుతున్నారనే పక్కా సమాచారంతో పోలీసులు ఈ దాడులు నిర్వహించారు. అరెస్టయిన నకిలీ డాక్టర్ల వద్ద నుంచి పెద్ద ఎత్తున అక్రమ మందులు, సెలైన్ బాటిళ్లు, సర్జికల్ పరికరాలను పోలీసులు స్వాధీనం చేసుకున్నారు. ప్రజలు ఎలాంటి అర్హత లేని నకిలీ వైద్యులను నమ్మి ప్రాణాల మీదకు తెచ్చుకోవద్దని, అనధికారిక క్లినిక్ల సమాచారం ఉంటే పోలీసులకు తెలియజేయాలని అధికారులు కోరారు.
