భూభారతి’కి బ్రేక్.. జూనియర్‌ అసిస్టెంట్లకు బాధ్యతలు అప్పగింత

హైదరాబాద్:
తెలంగాణ రెవెన్యూ శాఖలో భూ రికార్డుల డిజిటలైజేషన్ మరియు సర్వే ప్రక్రియను వేగవంతం చేసేందుకు గతంలో ప్రతిష్టాత్మకంగా చేపట్టిన ‘భూభారతి’ ప్రాజెక్టుకు తాత్కాలికంగా బ్రేక్ పడింది. పరిపాలనా పరమైన కారణాలు, సాంకేతిక మార్పుల నేపథ్యంలో ఈ ప్రాజెక్టు పనులను నిలిపివేస్తూ ప్రభుత్వం కీలక నిర్ణయం తీసుకుంది. కాగా, ఇప్పటివరకు ఈ ప్రాజెక్టు పర్యవేక్షణ, రికార్డుల నిర్వహణ చూసిన సిబ్బంది స్థానంలో.. క్షేత్రస్థాయిలో పనులను మరింత పారదర్శకంగా నిర్వహించేందుకు వీలుగా జూనియర్ అసిస్టెంట్లకు పూర్తిస్థాయి బాధ్యతలను అప్పగిస్తూ రెవెన్యూ ఉన్నతాధికారులు ఉత్తర్వులు జారీ చేశారు.

ఈ కొత్త నిర్ణయం ప్రకారం, ఇకపై భూ రికార్డుల అప్‌డేషన్, కంప్యూటరైజేషన్ మరియు దానికి సంబంధించిన పర్యవేక్షణ బాధ్యతలను ఆయా మండల, డివిజన్ కేంద్రాల్లోని జూనియర్ అసిస్టెంట్లు చూసుకోనున్నారు. ప్రాజెక్టులో ఎలాంటి జాప్యం జరగకుండా, ప్రజలకు ఇబ్బందులు కలగకుండా ఉండేందుకే ఈ అంతర్గత బదిలీలు మరియు బాధ్యతల అప్పగింత జరిగినట్లు  తెలుస్తున్నది. భూభారతి  పోర్టల్‌ ద్వారా కొనసాగే వ్యవసాయ భూముల రిజిస్ర్టేషన్లు 2 వారాలకు పైగా నిలిచిపోయాయి. ఆయా కార్యాలయాల్లో ఆపరేటర్లు లేకపోవడంతో ఈ రిజిస్ట్రేషన్లు బంద్‌ కాగా ప్రభుత్వానికి ఫీజురూపంలో రావాల్సిన ఆదాయం నిలిచిపోయింది. జిల్లాలో 18 తహసీల్దార్‌ కార్యాలయాల్లో ఈ పోర్టల్‌ ద్వారా వ్యవసాయ భూముల క్రయవిక్రయాలు, బహుమతి, వారసత్వ బదిలీ లు, తనఖా రిజిస్ట్రేషన్లు, వ్యవసాయేతర భూములుగా మార్చడం వంటి సేవలు కొనసాగేవి. రోజుకు ఒక్కో కార్యాలయంలో సగటున 4 నుంచి 5 వరకు సుమారు 70 వరకు వివిధ రకాల రిజిస్ట్రేషన్లు అవుతున్నాయి. ఇందుకోసం ప్రతీ తహసీల్దార్‌ కార్యాలయంలో ఔట్‌సోర్సింగ్‌ పద్థతిలో భూభారతి (గతంలో ధరణి) ఆపరేటర్‌ను ప్రభుత్వం నియమించింది. అయితే తాత్కాలిక పద్థతిన పని చేస్తున్న ఈ ప్రైవే ట్‌ ఆపరేటర్లతో పలుచోట్ల అక్రమాలు చోటు చేసుకుంటున్నాయని ఆరోపణలతో వారిని పూర్తిగా తొలగించారు. అదే స్థానంలో ప్రభుత్వ ఉద్యోగులైన జూనియర్‌ అసిస్టెంట్లకు భూభారతిలో రిజిస్ట్రేషన్ల పనిని అప్పగించేందుకు ప్రభుత్వం నిర్ణయించారు. ఈ మేరకు ఏడేళ్లుగా కొనసాగుతున్న ఈ ఆపరేటర్లను ఉన్నఫలంగా రాష్ట్ర ప్రభుత్వం తొలగించింది..జిల్లాలో ఈనెల 8న ఆపరేటర్లను తొలగించగా అంతకు నాలుగైదు రోజుల ముందు నుంచే పలు మండలాల్లో ‘భూ భారతి’ సేవలు బంద్‌ అయ్యాయి. రిజిస్ట్రేషన్ల కో సం స్లాట్‌లు బుక్‌ చేసుకున్నవారు తహసీల్దార్‌ కార్యాలయా ల చుట్టూ తిరుగుతున్నారు. వివిధ రకాల రిజిస్ట్రేషన్ల కోసం కొనుగోలు, విక్రయదారులు, సాక్షులంతా కార్యాలయానికి వస్తూ ‘భూభారతి’ పరిస్థితి తెలుసుకొని ఉసూరుమం టూ వెళ్తున్నారు. ఈ రిజిస్ట్రేషన్లు మళ్లీ ఎప్పుడు ప్రారంభిస్తారనేది కార్యాలయంలో అడిగితే ప్రతిరోజూ రేపే అని సమాధానం ఇస్తున్నారని అర్జీదారులు చెబుతున్నారు. మరోవైపు రిజిస్ట్రేషన్లు నిలిచిపోవడంతో కొత్తస్లాట్‌ బుక్‌ చేసుకునేందుకు పలువురు వెనుకాడడంతో ప్రభుత్వానికి వచ్చే ఆదాయం ఆగిపో యింది.  జూనియర్‌ అసిస్టెంట్లకు లాగిన్‌ ఐడీలు జారీ చేసే ప్రక్రియ కొనసాగుతోందని, ఈ ఐడీలు రాగానే రిజిస్ట్రేషన్లు యథావిధిగా ప్రారంభమవుతాయని తెలిపారు. ఇప్పటికైనా ప్రభుత్వం స్పందించి వెంటనే తహసీల్దార్‌ కార్యాలయాల్లో ‘భూభారతి’ ద్వారా వ్యవసాయ భూముల రిజిస్ట్రేషన్లు, ఇతర సేవలను వెంటనే కొనసాగించేలా చర్యలు తీసుకోవాలని స్లాట్‌బుక్‌ చేసుకున్న వారు కోరుతున్నారు. ‘భూభారతి’ ఆపరేటర్లను తొలగించిన తర్వాత రిజిస్ట్రేషన్‌కు ఆటకం కలుగకుండా జూనియర్‌ అసిస్టెంట్లకు సాంకేతిక శిక్షణ కూడా ఇచ్చారు. స్లాట్‌ బు కింగ్‌, భూముల వివరాల నమోదు, హక్కుల మార్పిడి, క్రయవిక్రయాలు, వారసత్వ, మార్టిగేజ్‌ తదితర సేవలపై వారికి సమగ్రంగా అవగాహన కల్పించారు. ప్రభుత్వ ఉద్యోగులే ఆపరేటర్లుగా వ్యవహరిస్తుండడంతో ఏదైనా అక్రమం, పొరపాటు జరిగితే నేరుగా వారి పైనే చర్యలు తీసుకునే అవకాశం ఉంటుంది. జిల్లాలోని 18 మండలాల్లో జూనియర్‌ అసిస్టెంట్లకు శిక్షణనిచ్చారు. అయితే వారికి భూభారతికి సంబంధించిన లాగిన్‌ ఐడీలు జారీ చేయడంలో జాప్యం జరుగుతోంది. ఫలితంగా జిల్లాలో రెండు, మూడు తహసీల్దార్‌ కార్యాల యాల్లో పాత ఆపరేటర్లతో తాత్కాలికంగా ‘భూభారతి’ సేవలను కొనసాగిస్తుండగా ఇవి మినహా అన్ని చోట్ల ఈ-పోర్టల్‌ సేవలు నిలిచిపోయాయి.