విజయ్ మంచి సీఎం కావాలి.. కాంగ్రెస్ అండగా ఉంటుంది

తమిళనాడు కాంగ్రెస్ చీఫ్ మాణికం ఠాగూర్
మదురై: తమిళవెట్రి కజగం (TVK) పార్టీ అధినేత, నటుడు విజయ్ రాజకీయ అడుగులపై తమిళనాడు కాంగ్రెస్ కమిటీ అధ్యక్షుడు, ఎంపీ మాణికం ఠాగూర్ సంచలన వ్యాఖ్యలు చేశారు. మదురైలో మీడియా ప్రతినిధులతో మాట్లాడిన ఆయన, విజయ్ తమిళనాడుకు అద్భుతమైన ముఖ్యమంత్రి కావాలని కాంగ్రెస్ పార్టీ కోరుకుంటోందని ఆసక్తికర వ్యాఖ్యలు చేశారు.

ఈ సందర్భంగా మాణికం ఠాగూర్ మాట్లాడుతూ విజయ్ ప్రధాని కావాలంటూ TVK వర్గాల్లో వచ్చిన వ్యాఖ్యలపై స్పందిస్తూ, అవి సదరు వ్యక్తుల వ్యక్తిగత అభిప్రాయాలు మాత్రమేనని ఆ పార్టీ కోశాధికారి వెంకటరామన్ ఇప్పటికే స్పష్టం చేశారని గుర్తుచేశారు. కాంగ్రెస్ దృష్టిలో ఆ వివాదం అక్కడితో ముగిసిపోయిందన్నారు. విజయ్‌కు తమిళనాడు ప్రజల నుంచి విశేష ఆదరణ, భారీ మద్దతు లభిస్తోందని కొనియాడారు.

కమీషన్లు లేని, అత్యుత్తమ అవినీతి రహిత పాలనను అందిస్తూ విజయ్ ఒక సమర్థవంతమైన ముఖ్యమంత్రిగా ఎదగడానికి కృషి చేయాలని ఆకాంక్షించారు. విజయ్ మంచి ముఖ్యమంత్రి కావాలన్న ఆలోచనకు తమ కాంగ్రెస్ పార్టీ ఎల్లప్పుడూ అండగా ఉంటుందని స్పష్టం చేశారు.