విజయ ఫార్మసీ కాలేజీలో విద్యార్థినీల బతుకమ్మ వేడుకలు

ముదినేపల్లి , మేజర్ న్యూస్ : ముదినేపల్లి లోని విజయ ఫార్మసీ కాలేజీలో విద్యార్థినిలు బతుకమ్మ వేడుకలను దేవి శరన్నవరాత్రుల సందర్భంగా ఘనంగా నిర్వహించారు. వివిధ రకాల పూలతో తయారుచేసిన బతుకమ్మలతో విద్యార్థినీలు సాంప్రదాయ దుస్తులతో కాలేజీ ఆవరణలో బతుకమ్మ ఆడారు. కాలేజీ ప్రిన్సిపాల్ డాక్టర్ విజయకుమార్ ఆధ్వర్యంలో గ్రామ పురవీధులలో ప్రదర్శన నిర్వహించి ప్రత్యేక పూజలు జరిపించి రావిచెట్టు వద్ద బోనాలను సమర్పించారు. ఈ వేడుకలలో కాలేజీ డైరెక్టర్ కొత్తూరు వేణుగోపాలకృష్ణుడు , కరస్పాండెంట్ అడుసుమిల్లి తనూజ , అధ్యాపకులు , విద్యార్థులు , సిబ్బంది పాల్గొన్నారు.

 రిపోర్టర్ నాగరాజు ముదినేపల్లి ఏలూరు జిల్లా