భవానీ భక్తుల మృతి బాధాకరం

రావికంపాడు రోడ్డు ప్రమాదంపై ఎంపీ ఉదయ్ శ్రీనివాస్ దిగ్భ్రాంతి

మృతుల కుటుంబాలకు ప్రగాఢ సానుభూతి

ఉమ్మడి గోదావరి జిల్లాల సూర్య బ్యూరో, కాకినాడ, అక్టోబరు 22: తుని మండలం రావికంపాడు వద్ద జరిగిన రోడ్డు ప్రమాదంలో నలుగురు భవానీ భక్తులు మృతి చెందడం తీవ్ర విషాదకరమని కాకినాడ ఎంపీ తంగెళ్ల ఉదయ్ శ్రీనివాస్ పేర్కొన్నారు. దుర్ఘటనపై ఆయన తీవ్ర దిగ్భ్రాంతి వ్యక్తం చేశారు. అమ్మవారి దర్శనానికి వెళ్తున్న భక్తులు ప్రమాదంలో ప్రాణాలు కోల్పోవడం కలచివేసిందన్నారు. మృతుల ఆత్మలకు శాంతి చేకూరాలని భగవంతుడిని ప్రార్థిస్తూ, వారి కుటుంబ సభ్యులకు ప్రగాఢ సానుభూతి తెలిపారు. విజయవాడ శ్రీ దుర్గామల్లేశ్వర స్వామివారి దర్శనానికి కాలినడకన వెళ్లే భవానీ భక్తులు ప్రయాణంలో అప్రమత్తంగా ఉండాలని సూచించారు. రహదారి భద్రతా నియమాలను పాటిస్తూ తగిన జాగ్రత్తలు తీసుకోవాలని ఎంపీ ఉదయ్ శ్రీనివాస్ కోరారు.