ప్రజలకు సేవ చేసేందుకే ఎన్నికల్లో పోటీ

ఏలూరు, మేజర్ న్యూస్: నిస్వార్ధ హృదయంతో ప్రజలకు సేవ చేసేందుకే ఎన్నికల్లో పోటీ చేస్తున్నట్లు జనసేన కార్యకర్త సాధనాల.ప్రసాద్ చెప్పారు. గురువారం నాడు తన తల్లి సాధనాల.సుబ్బలక్ష్మి చేత కామవరపుకోట జడ్పిటిసి అభ్యర్థిగా నామినేషన్ వేయించేందుకు ఏలూరు జిల్లా పరిషత్ కు వచ్చినట్లు వారు తెలిపారు. నామినేషన్ పూర్తి అయిన తర్వాత వారు మీడియాతో మాట్లాడుతూ పార్టీ ఆదేశాలకు ఎల్లప్పుడూ కట్టుబడి ఉంటామని అన్నారు. తన తల్లి సాధనాల.సుబ్బలక్ష్మి ని ఎన్నికల్లో గెలిపించడం ద్వారా అభివృద్ధికి బాటలు వేసినట్లు అవుతుందని అన్నారు. ఇప్పటి వరకు ఏ విధమైన అభివృద్ధి కామవరపుకోటలో జరిగిన దాఖలాలు లేవని వాపోయారు. తాను మిలిటరీలో ఇరవై సంవత్సరాలు పనిచేసినట్లు తెలిపారు. జనసేన జడ్పిటిసి అభ్యర్థిగా పోటీ చేస్తున్న తన మాతృమూర్తి సాధనాల.సుబ్బలక్ష్మిని గెలిపించాలని ప్రజలను కోరారు.